മനാമ: പാവപ്പെട്ട പ്രവാസികൾക്ക് നാട്ടിലെത്താൻ കൈകോർത്ത് പ്രവാസലോകത്തെ കാരുണ്യ മനസ്സുകൾ. കോവിഡ് ദുരിതത്തെത്തുടർന്ന് പ്രയാസം അനുഭവിക്കുന്ന പ്രവാസികൾക്ക് വിമാന ടിക്കറ്റ് നൽകുന്നതിന് ഗൾഫ് മാധ്യമവും മീഡിയവണും ചേർന്ന് ആരംഭിച്ച ‘മിഷൻ വിങ്സ് ഒാഫ് കംപാഷൻ’ പദ്ധതിയെ ഹൃദയത്തിൽ ഏറ്റെടുത്തിരിക്കുകയാണ് അവർ. വൻ വ്യവസായികൾക്ക് പുറമെ സാധാരണക്കാരും ഇൗ പദ്ധതിയോട് സഹകരിക്കാൻ നിറഞ്ഞ മനസ്സോടെ രംഗത്തെത്തുകയാണ്.
ചെറുതുട്ടുകൾക്കുപോലും വിലയുണ്ടെന്ന് ഒാർമിപ്പിക്കുന്ന ഇൗ ദുരിതകാലത്ത് ഇവരുടെയൊക്കെ കൊച്ചുസംഭാവനകൾ ഒേട്ടറെ നിരാലംബർക്കാണ് തുണയാകുന്നത്. സൂപ്പർ മാർക്കറ്റിൽ ജോലി ചെയ്യുന്ന കണ്ണൂർ മുണ്ടേരി സ്വദേശി സുബൈറും മുഹറഖിൽ വസ്ത്രക്കട നടത്തുന്ന മുനീറുമൊക്കെ ഇൗ കണ്ണിയിൽ പങ്കുചേരാൻ എത്തിയത് സഹജീവികളോടുള്ള സ്നേഹംകൊണ്ടു മാത്രമാണ്.
ഏറെ കാത്തിരിപ്പിനൊടുവിൽ തുടങ്ങിയ വന്ദേ ഭാരത് ദൗത്യത്തിൽ നാട്ടിലേക്ക് പോകണമെങ്കിൽ പണം മുടക്കി ടിക്കറ്റ് എടുക്കണമെന്ന് വന്നതോടെ ഒരുപാട് പേരുടെ പ്രതീക്ഷകൾക്കാണ് തിരിച്ചടിയേറ്റത്. ജോലിയും കൂലിയുമില്ലാതെ ജീവിതം ഇരുൾമൂടിയ ആ സഹോദരങ്ങളെ ചേർത്തുപിടിക്കാൻ ഗൾഫ് മാധ്യമവും മീഡിയവണും തീരുമാനിച്ചപ്പോൾ പിന്തുണക്കാൻ ഇവരൊക്കെ ആവേശത്തോടെ എത്തുകയായിരുന്നു. കഷ്ടപ്പെടുന്ന സഹജീവികളെ ഒറ്റക്കാക്കില്ലെന്ന പ്രഖ്യാപനം കൂടിയാണ് ഇൗ െഎക്യദാർഢ്യം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.