മനാമ: കഠിനമായ ചൂടിൽ വലയുന്ന തൊഴിലാളികൾക്ക് ബഹ്റൈൻ കേരള സോഷ്യൽ ഫോറം (ബി.കെ.എസ്.എഫ്), ബഹ്റൈൻ മലയാളി ബിസിനസ് ഫോറം (ബി.എം.ബി.എഫ്) എന്നിവ സംയുക്തമായി കുടിവെള്ളം, പഴങ്ങൾ, മറ്റു ഭക്ഷണങ്ങൾ എന്നിവ നൽകി. കോവിഡിെൻറ പശ്ചാത്തലത്തിൽ സാമൂഹിക അകലം പാലിച്ചായിരുന്നു വിതരണം. മനാമയിലെ ഫിനാൻഷ്യൽ ഹാർബർ തൊഴിലാളി സൈറ്റിൽ പ്രവാസി കമീഷൻ അംഗം സുബൈർ കണ്ണൂരും ബി.എം.ബി.എഫ് ജനറൽ സെക്രട്ടറി ബഷീർ അമ്പലായിയും സംയുക്തമായി വിതരണോദ്ഘാടനം നിർവഹിച്ചു.
ബി.കെ.എസ്.എഫ്, ബി.എം.ബി.എഫ് അംഗങ്ങളായ ലത്തീഫ് മരക്കാട്ട്, അൻവർ കണ്ണൂർ, കാസിം പാടത്തെകായിൽ, അജീഷ് കെ.വി, അൻവർ ശൂരനാട്, ജൈനൽ, നൗഷാദ് പൂനൂർ, മൊയ്തീൻ ഹാജി, സത്യൻ പേരാമ്പ്ര, മൻസൂർ, സലീം കണ്ണൂർ, നജീബ്, സലീം അമ്പലായി എന്നിവർ നേതൃത്വം നൽകി.
കഴിഞ്ഞ അഞ്ച് വർഷമായി ബഹ്റൈനിൽ വേനൽക്കാലത്ത് കുടിവെള്ളവും പഴങ്ങളും വിതരണം ചെയ്യുന്നുണ്ടെന്ന് ഭാരവാഹികൾ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.