മനാമ: സെയിൽസ് മേഖലയിൽ ജോലി ചെയ്യുന്നവരുടെ കൂട്ടായ്മയായ ബഹ്റൈൻ മലയാളി സെയിൽസ് ടീം (ബി.എം.എസ്.ടി ) ‘ബ്രീസ് 2024’ എന്ന പേരിൽ മൂന്നാം വാർഷികാഘോഷം സംഘടിപ്പിച്ചു.
അദ്ലിയ ബാൻ സാംഗ് തായ് റസ്റ്റാറന്റ് ഓഡിറ്റോറിയത്തിൽ നടന്ന ആഘോഷ പരിപാടിയിൽ ബഹ്റൈനിലെ നിരവധി കലാകാരന്മാർ അവതരിപ്പിച്ച സംഗീത നൃത്ത ഹാസ്യ കലാപരിപാടികൾക്കൊപ്പം‘തരംഗ്’ ബാൻഡ് അവതരിപ്പിച്ച സംഗീത പരിപാടിയും നടന്നു. ആരവം നാടൻ പാട്ട് സംഘത്തിന്റെ നാടൻ പാട്ടുകളും ബി.എം.എസ്.ടി ലേഡീസ് വിങ് അവതരിപ്പിച്ച കൈകൊട്ടിക്കളിയും നടന്നു. വിശിഷ്ടാതിഥികളായി നാട്ടിൽനിന്നും എത്തിയ പ്രശസ്ത സിനിമ താരങ്ങളായ നോബി മാർക്കോസും അസീസ് നെടുമങ്ങാടും അവതരിപ്പിച്ച കോമഡി സ്കിറ്റുകളും ആഘോഷ പരിപാടികൾക്ക് മിഴിവേറ്റി.
പ്രസിഡന്റ് സനിൽ കാണിപ്പയ്യൂർ അധ്യക്ഷത വഹിച്ചു. സെക്രട്ടറി ദിലീപ് മോഹൻ സ്വാഗതം ആശംസിച്ചു. ജി.ആർ.ബി, സൺ ടോപ്പ് വിതരണക്കാരായ അൽജസീറ ഗ്രൂപ്പിന്റെ കൺട്രി ഹെഡ് ശ്രീധരൻ, ലുലു ഗ്രൂപ് പർച്ചേസ് ഹെഡ് മഹേഷ് നാട്ടിക, അൽ കബീർ ഗ്രൂപ് കൺട്രി മാനേജർ മുഹമ്മദ് ഇമ്രാൻ, ഇന്ത്യൻ സ്കൂൾ സെക്രട്ടറി രാജ പാണ്ഡ്യൻ, കേരളീയ സമാജം ജനറൽ സെക്രട്ടറി വർഗീസ് കാരക്കൽ, കേരളീയ സമാജം വൈസ് പ്രസിഡന്റ് ദിലീഷ് കുമാർ, സ്റ്റാർ വിഷൻ മാനേജിങ് ഡയറക്ടർ സേതുരാജ് കടക്കൽ, ബി.എം.എസ്.ടി പ്രോഗ്രാം ചെയർമാൻ സിജുകുമാർ, സാമൂഹിക പ്രവർത്തകൻ കെ.ടി.സലിം എന്നിവരും സംസാരിച്ചു. ഇഷിക പ്രദീപ് അവതാരകയായ പരിപാടിയിൽ ട്രഷറർ ആരിഫ് പോർക്കുളം നന്ദി രേഖപ്പെടുത്തി.
പ്രോഗ്രാം കൺവീനർ നീരജ്, പ്രോഗ്രാം കോഓഡിനേറ്റർ അരുൺ ആർ.പിള്ള, വൈസ് പ്രസിഡന്റ് ഷാജി ദിവാകരൻ, ജോയന്റ് സെക്രട്ടറി അഗസ്റ്റിൻ മൈക്കിൾ, മെംബർഷിപ് സെക്രട്ടറി സജിത് കുമാർ, എക്സിക്യൂട്ടിവ് അംഗങ്ങളായ സത്യൻ, ശ്രീലേഷ്, ശിഹാബ് മരക്കാർ, ഗണേഷ് കുറാറ, അഷറഫ്, ഹസ്സൻ, പ്രജീഷ്, പ്രശാന്ത്, റഹീം, സുമേഷ് അലിയത്ത്, വേണു, ബഷീർ, അലക്സ്, ലിജിൻ, അഷ്റഫ് ഹൈദ്രു എന്നിവർ പരിപാടികൾക്ക് നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.