അനിവാര്യ നടപടിയെന്ന്​ ബഹ്​റൈൻ

മനാമ: ബഹ്​റൈൻ അയൽരാജ്യമായ ഖത്തറുമായി എല്ലാ ബന്ധങ്ങളും വിഛേദിച്ചു. ഭീകര​തയെ പിന്തുണക്കുന്നു, രാജ്യത്തി​​​െൻറ ആഭ്യന്തര കാര്യങ്ങളിൽ ഇടപെടുന്നു എന്നീ കാരണങ്ങളാണ്​ ബന്ധം വിഛേദിക്കാനുള്ള കാരണമായി വിദേശകാര്യ മന്ത്രാലയം തിങ്കളാഴ്​ച പുലർച്ചെ പുറത്തുവിട്ട പ്രസ്​താവനയിൽ പറയുന്നത്. 48മണിക്കൂറിനുള്ളിൽ നയതന്ത്ര ബന്ധവും അവസാനിപ്പിക്കുന്നതിനാൽ ഖത്തറി​​​െൻറ എല്ലാ നയതന്ത്ര ഉദ്യോഗസ്​ഥരും നിശ്​ചിത സമയപരിധിക്കുള്ളിൽ രാജ്യം വിടണമെന്നും അറിയിപ്പിലുണ്ട്​. ബഹ്​റൈനിലുള്ള ഖത്തർ പൗരൻമാർക്ക്​ രാജ്യം വിടാൻ രണ്ടാഴ്​ച സമയമുണ്ട്​. കടൽ^വ്യോമ ഗതാഗതവും നിർത്തലാക്കും.

മാധ്യമങ്ങൾ വഴി പ്രകോപനം സൃഷ്​ടിക്കൽ, ഇറാൻ ഗ്രൂപ്പുകളുമായി ബന്ധമുള്ള സായുധ ഭീകരർക്ക്​ പിന്തുണയും പണവും നൽകൽ എന്നിവയാണ്​ ഖത്തറി​​​െൻറ നേതൃത്വത്തിൽ നടക്കുന്നതെന്ന്​ പ്രസ്​താവനയിൽ പറയുന്നു. രാജ്യ​ത്ത്​ അട്ടിമറി നടത്താനും പ്രശ്​നങ്ങൾ ആളിക്കത്തിക്കാനുമുള്ള ശ്രമത്തി​​​െൻറ ഭാഗമാണിത്​. ദേശീയ സുരക്ഷ കാത്തുസൂക്ഷിക്കുന്നതി​​​െൻറ ഭാഗമായാണ്​ കടുത്ത നടപടിയെന്ന്​ വാർത്ത ഏജൻസിയായ ബി.എൻ.എ റിപ്പോർട്ട്​ ചെയ്യുന്നു. ബഹ്​റൈ​​​െൻറ ആഭ്യന്തര കാര്യങ്ങളിൽ ഇടപെടാനും സ്​ഥിരതയും സുരക്ഷയും അല​േങ്കാലപ്പെടുത്താനും ഖത്തർ നിരന്തര ശ്രമമാണ്​ നടത്തുന്നത്​. ഇത്​ അന്താരാഷ്​ട്ര നിയമങ്ങളുടെയും ഉടമ്പടികളുടെയും നഗ്​നമായ ലംഘനമാണ്​.

നിയമങ്ങളും മൂല്യങ്ങളും അയൽരാജ്യങ്ങൾ തമ്മിൽ പാല​ിക്കേണ്ട മര്യാദകളും പരിഗണിക്കാതെയു​ള്ള ഇടപെടലുകളാണ്​ ഖത്തർ നടത്തുന്നത്​. ഇതിനോടുള്ള പ്രതികരണമെന്ന നിലയിൽ ദോഹയിലെ ബഹ്​​ൈ​റ​​​െൻറ നയതന്ത്രകാര്യാലയവും അടക്കുകയാണ്​. 24മണിക്കൂറിനുള്ളിൽ വ്യോമപാതയും അടക്കും. ബഹ്​റൈൻ പൗരൻമാർക്ക്​ ഖത്തറിലേക്ക്​ പോകുന്നതിന്​ വിലക്കുണ്ട്​. പൗരൻമാർ അവിടെ തങ്ങാനും പാടില്ല. ബഹ്​റൈനിലേക്ക്​ ഖത്തർ പൗരൻമാരെ പുതിയ സാഹചര്യത്തിൽ കടക്കാൻ അനുവദിക്കാത്തതിൽ ഖേദമുണ്ട്​. ബഹ്​റൈൻ വഴി മറ്റ്​ രാജ്യങ്ങളിലേക്കുള്ള യാത്രയും അനുവദിക്കില്ല. നിലവിലെ സാഹചര്യം മുതലെടുത്ത്​ ഏതെങ്കിലും തരത്തിലുള്ള അതിക്രമങ്ങളുണ്ടാകാതിരിക്കാൻ ബഹ്​റൈനിലെ ഖത്തർ പൗരൻമാർ പെ​െട്ടന്ന്​ തിരിച്ചുപോകണം. ഖത്തറിലെ ജനങ്ങളോട്​ ബഹ്​റൈനുള്ള സ്​നേഹവും ബഹുമാനവും അവർക്ക്​ ബഹ്​റൈനോടുള്ള ബന്ധവും പരിഗണിക്കു​േമ്പാൾ തന്നെ,പുതിയ സാഹചര്യത്തിൽ ഇക്കാര്യം ആവശ്യപ്പെടാ​െത നിവൃത്തിയില്ല.

ഖത്തറി​​​െൻറ അപകടകരമായ നടപടികൾ ബഹ്​റൈനുപുറമെ, ഇതര സഹോദര ഗൾഫ്​ രാഷ്​ട്രങ്ങൾക്കും ക്ഷീണമുണ്ടാക്കിയിട്ടുണ്ട്​. ഇത്​ അവഗണിക്കാനോ, അംഗീകരി​ക്കാനോ സാധിക്കില്ല. ഇത്തരം നീക്കങ്ങളെ കർശനമായി നേരിടും. ഇത്തരമൊരു നടപടി സ്വീകരിക്കേണ്ടി വന്നതിൽ ബഹ്​റൈന്​ ഖേദമുണ്ട്​. പുതിയ നടപടിയിലേക്ക്​ നയിച്ച സാഹചര്യങ്ങൾ മനസിലാക്കാനുള്ള വിവേകം ഖത്തരി ജനതക്കുണ്ട്. ഭീകരതയോട്​ യാതൊരു അനുരഞ്​ജനവുമില്ലാത്ത രാജ്യമാണ്​ ബഹ്​റൈൻ എന്നും പ്രസ്​താവനയിൽ പറയുന്നു. പുതിയ തീരുമാനം ഖത്തറും ബഹ്​റൈനുമിടയിലുള്ള വ്യാപാര ബന്ധത്തെയും ബാധിക്കുമെന്നതിനാൽ വ്യാപാരികളും മറ്റും കടുത്ത ആശങ്കയിലാണ്​. അവധിക്കാലം അടുത്തതിനാൽ, പലരും ഖത്തറിലേക്കും ഖത്തറി​ലുള്ളവർ ബഹ്​റൈനിലേക്കും വരുന്ന പതിവുണ്ട്​. അതും മുടങ്ങും. പലരും നാട്ടിലേക്ക്​ പോകാൻ ഖത്തർ വഴിയുള്ള വിമാനടിക്കറ്റാണ്​ ബുക്ക്​ ചെയ്​തിട്ടുള്ളത്​.

വ്യോമഗതാഗതം റദ്ദാക്കുന്നതോടെ വിമാനകമ്പനികൾ ടിക്കറ്റ്​ തുക റീഫണ്ട്​ ചെയ്യാനാണ്​ സാധ്യത. പണം തിരിച്ച്​ കിട്ടിയാലും വെക്കേഷൻ സമയമായതിനാൽ ടിക്കറ്റ്​ കിട്ടാതെ കുടുംബങ്ങൾ വിഷമിക്കാനുമിടയുണ്ട്​. വിസിറ്റിങ്​ വിസയിൽ വന്നവർ സാധാരണ മടങ്ങാറുള്ളത്​ അവസാന ദിവസമാണ്​. ഇൗ ദിവസത്തെ യാത്ര മുടങ്ങിയാൽ അവർ വിസ പുതു​ക്കേണ്ടി വരും. ഖത്തറിൽ ജോലി ചെയ്യുന്ന ബഹ്​റൈൻ പൗരൻമാർ മടങ്ങേണ്ടി വരുമെന്നതിനാൽ ആ വഴിക്കുന്ന ആശങ്കയും നിലനിൽക്കുന്നുണ്ട്​. ഖത്തറിലും ബഹ്​റൈനിലുമായി ബിസിനസ്​ നടത്തുന്ന നിരവധി മലയാളികളു​ണ്ട്​. ഇവരുടെ പോക്കുവരവ്​ പുതിയ സാഹചര്യത്തിൽ തടസപ്പെടും. വ്യാപാരി സമൂഹം പ്രശ്​നങ്ങൾ അധികം വൈകാതെ തീരുമെന്ന പ്രതീക്ഷയിലാണ്​. ബഹ്​റൈനിലെ മിക്ക മണി എക്​സ്​ചേഞ്ചുകളു​ം ഖത്തർ കറൻസി എടുക്കുന്നത്​ ഇന്നലെ വൈകീ​േട്ടാടെ നിർത്തി. അനിശ്​ചിതാവസ്​ഥ പരിഗണിച്ചാണ്​ ഇൗ നടപടിയെന്ന്​ എക്​സ്​ചേഞ്ച്​ വൃത്തങ്ങൾ പറഞ്ഞു.