മനാമ: രാജ്യത്ത് പൊലീസ് നടത്തിയ പ്രധാന ഓപറേഷനെത്തുടർന്ന് 54,000 ദീനാറിന്റെ മയക്കുമരുന്ന് പിടിച്ചു. വിവിധ രാജ്യക്കാരായ നിരവധിപേരെ അറസ്റ്റ് ചെയ്തിട്ടുണ്ട്. പ്രതികളിൽ നിന്ന് 54,000 ദീനാർ വിലമതിക്കുന്ന 7.8 കിലോയിലധികം മയക്കുമരുന്നുകളും സൈക്കോട്രോപിക് വസ്തുക്കളും കണ്ടുകെട്ടി.
മയക്കുമരുന്ന് വിപത്തിൽനിന്ന് സമൂഹത്തെ സംരക്ഷിക്കുന്നതിനുള്ള ശ്രമങ്ങളുടെ ഭാഗമായാണ് പരിശോധന നടത്തിയതെന്ന് ജനറൽ ഡയറക്ടറേറ്റ് ഓഫ് ക്രൈം ഡിറ്റക്ഷൻ ആൻഡ് ഫോറൻസിക് എവിഡൻസിന്റെ ആന്റി നാർക്കോട്ടിക് വിഭാഗം അറിയിച്ചു. രഹസ്യ വിവരത്തെത്തുടർന്നാണ് പ്രത്യേക സംഘങ്ങൾ അന്വേഷണം നടത്തിയത്.
പ്രതികളെ തിരിച്ചറിയുകയും അവരുടെ കൈവശമുണ്ടായിരുന്ന മയക്കുമരുന്നുമായി പിടികൂടുകയുമായിരുന്നു.കേസ് പബ്ലിക് പ്രോസിക്യൂഷന് കൈമാറി. സംശയിക്കുന്നവരുടെ ദേശീയതയോ പ്രവർത്തന രീതിയോ വെളിപ്പെടുത്തിയിട്ടില്ല.
മയക്കുമരുന്ന് കച്ചവടം സംബന്ധമായ വിവരങ്ങൾ പൗരന്മാർക്കും താമസക്കാർക്കും 996 ഹോട്ട്‌ലൈനിൽ അറിയിക്കാം. 996@interior.gov.bh എന്ന ഇ-മെയിൽ വിലാസത്തിലും വിവരങ്ങൾ നൽകാം. വിവരങ്ങൾ രഹസ്യമായി സൂക്ഷിക്കും. 2023 തുടക്കം മുതൽ ഈ വർഷം പകുതി വരെ 2,285 മയക്കുമരുന്ന് കേസുകൾ പിടിച്ചിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.