മനാമ: ഒ.ഐ.സി.സി ബഹ്റൈൻ ദേശീയ സെക്രട്ടറി, കണ്ണൂർ ജില്ല പ്രസിഡൻറ്, ദേശീയ എക്സിക്യൂട്ടിവ് കമ്മിറ്റി അംഗം എന്നീനിലകളിൽ പ്രവർത്തിച്ച മുനീർ കൂരാന് ഒ.ഐ.സി.സി ദേശീയ കമ്മിറ്റിയുടെ ആഭിമുഖ്യത്തിൽ യാത്രയയപ്പ് നൽകി. 35 വർഷമായി പ്രവാസ ജീവിതം നയിക്കുന്ന മുനീർ കൂരാൻ ബഹ്റൈൻ യൂനിവേഴ്സിറ്റിയിൽ ആണ് ജോലി ചെയ്തുകൊണ്ടിരുന്നത്. ഐ.ഒ.സി.സിയിലും ഒ.ഐ.സി.സിയുടെ ആരംഭ കാലം മുതൽ ജില്ല നേതൃത്വത്തിലും ദേശീയ നേതൃത്വത്തിലും പ്രവർത്തിച്ചിട്ടുള്ള അദ്ദേഹം കണ്ണൂർ ജില്ലയിൽ ഒ.ഐ.സി.സിയുടെ പ്രവർത്തനം ശക്തിപ്പെടുത്താൻ അക്ഷീണ പ്രയത്നം നടത്തിയ വ്യക്തിയാണെന്ന് നേതാക്കൾ അഭിപ്രായപ്പെട്ടു.
ഒ.ഐ.സി.സി ദേശീയ പ്രസിഡൻറ് ബിനു കുന്നന്താനം അധ്യക്ഷതവഹിച്ചു. ഒ.ഐ.സി.സി ഗ്ലോബൽ ജനറൽ സെക്രട്ടറി രാജു കല്ലുമ്പുറം ഉദ്ഘാടനം ചെയ്തു. ജനറൽ സെക്രട്ടറിമാരായ ഗഫൂർ ഉണ്ണികുളം സ്വാഗതവും ബോബി പാറയിൽ നന്ദിയും പറഞ്ഞു. ഒ.ഐ.സി.സി നേതാക്കളായ രവി കണ്ണൂർ, ജവാദ് വക്കം, മാത്യൂസ് വാളക്കുഴി, മനു മാത്യു, ഷാജി തങ്കച്ചൻ, സൽമാനുൽ ഫാരിസ്, നിസാർ കുന്നത്തുകുളത്തിൽ, ഫിറോസ് അറഫ, അനൂപ് കുമാർ, ബിജേഷ് ബാലൻ, ഷെബിൻ എന്നിവർ സംസാരിച്ചു. മുനീർ കൂരാൻ മറുപടി പ്രസംഗം നടത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.