ഫ്രണ്ട്സ് സർഗവേദി സംഘടിപ്പിച്ച കായിക മത്സരത്തിൽ ഓവറോൾ ചാമ്പ്യന്മാരായ
റിഫ ഏരിയക്കുള്ള ട്രോഫി പ്രസിഡന്റ് സുബൈർ എം.എം നൽകുന്നു
മനാമ: ബഹ്‌റൈൻ ദേശീയ ദിനത്തോടനുബന്ധിച്ച് ഫ്രണ്ട്സ് സർഗവേദി സംഘടിപ്പിച്ച കായിക മത്സരത്തിൽ റിഫ ഏരിയ ഓവറോൾ ചാമ്പ്യന്മാരായി. 100 മീറ്റർ ഓട്ടം, പെനാൽറ്റി ഷൂട്ടൗട്ട്, സാക്ക് റൈസ് എന്നീ ഇനങ്ങളിൽ 40 വയസ്സിനു താഴെയുള്ളവർക്കും 40 വയസ്സിനു മുകളിലുള്ളവർക്കും വെവ്വേറെ മത്സരങ്ങളാണ് നടന്നത്. 40 വയസ്സിന് താഴെയുള്ളവർക്ക് നടത്തിയ മത്സരങ്ങളിൽ യഥാക്രമം ഒന്ന്, രണ്ട്‌, മൂന്ന് സ്ഥാനം കരസ്ഥമാക്കിയവർ: ഫൈസൽ മങ്കട, ഷാനിബ് കെ.ടി, മുഹമ്മദ് മുഹിയുദ്ദീൻ (100 മീറ്റർ ഓട്ടം), സമീർ ഹസൻ, നസീം സബാഹ്, ഫൈസൽ മങ്കട (പെനാൽട്ടി ഷൂട്ട് ഔട്ട്), മുഹമ്മദ് മുഹിയുദ്ദീൻ, ഫൈസൽ മങ്കട, ഷാഹുൽ ഹമീദ് (സാക്ക് റൈസ്).
40 വയസ്സിൽ താഴെയുള്ളവർക്ക് നടത്തിയ മത്സരങ്ങളിൽ സിറാജ് വെണ്ണാറോടി, ആദിൽ, ഹാരിസ് (100 മീറ്റർ ഓട്ടം), സിറാജ് വി, ഹാരിസ്, യൂനുസ് സലിം (സാക്ക് റൈസ്), അനീസ് വി.കെ, ലാലു ജിഷാദ്, ഹാരിസ് വി.കെ (പെനാൽട്ടി ഷൂട്ട് ഔട്ട്) എന്നിവർ യഥാക്രമം ഒന്നും രണ്ടും മൂന്നും സ്ഥാനങ്ങൾ കരസ്ഥമാക്കി. വാശിയേറിയ വടംവലി മത്സരത്തിൽ ഒന്നാം സ്ഥാനം റിഫ ഏരിയയും രണ്ടാം സ്ഥാനം മുഹറഖും മൂന്നാം സ്ഥാനം മനാമ ഏരിയയും കരസ്ഥമാക്കി.
വിജയികൾക്കുള്ള സമ്മാനങ്ങൾ ഫ്രണ്ട്സ് സോഷ്യൽ അസോസിയേഷൻ പ്രസിഡന്റ് സുബൈർ എം.എം, ജനറൽ സെക്രട്ടറി സഈദ് റമദാൻ നദ്‌വി, വൈസ് പ്രസിഡന്റുമാരായ ജമാൽ ഇരിങ്ങൽ, സമീർ ഹസൻ, അസിസ്റ്റന്റ് ജനറൽ സെക്രട്ടറി സക്കീർ ഹുസൈൻ, വനിത വിഭാഗം ആക്ടിങ് പ്രസിഡന്റ് സാജിത സലിം തുടങ്ങിയവർ വിതരണം ചെയ്തു.
സർഗവേദി സെക്രട്ടറി അബ്ദുൽ ഹഖ്, കൺവീനർ അബ്ദുൽ ഗഫൂർ മൂക്കുതല, അനീസ് വി.കെ, റഷീദ സുബൈർ, ഷാഹുൽ ഹമീദ്, എ.എം ഷാനവാസ്‌, മൂസ കെ.ഹസൻ, ഹാരിസ്, മുഹമ്മദ് മുഹിയുദ്ദീൻ, അബ്ദുൽ ജലീൽ, ഷംജിത്, ഫൈസൽ എം.എം, യൂനുസ് രാജ്, ഫൈസൽ എം.എം, സമദ്, ഹസീബ്, അലി അഷ്‌റഫ്, മുഹമ്മദ് ഷാജി, തുടങ്ങിയവർ പരിപാടികൾക്ക് നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.