കെ.എം.സി.സി കാസർകോട് മണ്ഡലം കമ്മിറ്റി പ്രവർത്തനോദ്ഘാടനം സമസ്ത പ്രസിഡന്റ്
ഫക്രുദ്ദീൻ തങ്ങൾ നിർവഹിക്കുന്നു
മനാമ: കെ.എം.സി.സി കാസർകോട് മണ്ഡലം കമ്മിറ്റി പ്രവർത്തനോദ്ഘാടനം നടത്തി. കെ.എം.സി.സി മനാമ ആസ്ഥാന മന്ദിരത്തിലെ ഹൈദരലി ശിഹാബ് തങ്ങൾ ഓഡിറ്റോറിയത്തിൽ നടന്ന ചടങ്ങിൽ സമസ്ത പ്രസിഡന്റ് ഫക്രുദ്ദീൻ തങ്ങൾ ഉദ്ഘാടനം നിർവഹിച്ചു. മണ്ഡലം പ്രസിഡന്റ് ആഷിക് കോപ്പ അധ്യക്ഷത വഹിച്ചു.
സംസ്ഥാന ആക്ടിങ് പ്രസിഡന്റ് ഷാഫി പാറക്കട്ട, ജനറൽ സെക്രട്ടറി അസൈനാർ കളത്തിങ്കൽ, വൈസ് പ്രസിഡന്റ് സലീം തളങ്കര, ജോ. സെക്രട്ടറി റഫീഖ് തോട്ടക്കര, കാസർകോട് ജില്ല പ്രസിഡന്റ് ഖലീൽ ആലമ്പാടി, ആക്ടിങ് സെക്രട്ടറി മനാഫ് പാറക്കട്ട, സ്വാഗത സംഘം ചെയർമാൻ കുഞ്ഞാമു ബെദിര, കൺവീനർ റിയാസ് പട്ള, മുൻ ജില്ലാ പ്രസിഡന്റ് അഷ്‌റഫ്‌ മഞ്ചേശ്വരം തുടങ്ങിയവർ സംസാരിച്ചു. സംസ്ഥാന വൈസ് പ്രസിഡന്റ് ഷംസുദ്ദീൻ വെള്ളിക്കുളങ്ങര മുഖ്യപ്രഭാഷണം നടത്തി. ട്രഷറർ ഫൈസൽ ബെദിര കർമപദ്ധതി അവതരണം നടത്തി. പ്രവർത്തനഫണ്ട്‌ പി.കെ. ഹാരിസ് മണ്ഡലം ഭാരവാഹികൾക്ക് കൈമാറി. ജനറൽ സെക്രട്ടറി മുസ്താഖ് മൊഗ്രാൽ പുത്തൂർ സ്വാഗതവും ഖലീൽ ഖാസിലേൻ നന്ദിയും പറഞ്ഞു.
മദ്റസ വിദ്യാർഥികളുടെ ദഫ്മുട്ട് മത്സരവും ടീം മർഹബ അവതരിപ്പിച്ച കോൽക്കളിയും ടീം അത്തൂസ് ഒരുക്കിയ കൈമുട്ടി പാട്ടും അരങ്ങേറി. കാസർകോട് മണ്ഡലം വൈസ് പ്രസിഡന്റുമാരായ റൗഫ് പട്ള, സമീർ പുഞ്ചിരി, മുനീർ പടുപ്പിൽ, ജോ. സെക്രട്ടറിമാരായ സമീർ ബള്ളൂർ, ഇസ്ഹാഖ് പുളിക്കൂർ, ഫാഹിസ് തളങ്കര, നൗഫൽ ചൂരി എന്നിവർ പരിപാടി നിയന്ത്രിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.