കിരീടാവകാശിയും പ്രധാനമന്ത്രിയുമായ പ്രിൻസ് സൽമാൻ ബിൻ ഹമദ് ആൽ ഖലീഫ
ഫിലിപ്പീൻസ് അംബാസഡറുമായി കൂടിക്കാഴ്ച നടത്തുന്നു
മനാമ: ഫിലിപ്പീൻസുമായി വിവിധ മേഖലകളിൽ ബന്ധം ശക്തമാക്കുന്നതിനും സഹകരണം വ്യാപിപ്പിക്കുന്നതിനും ബഹ്റൈന് പ്രത്യേക താൽപര്യമുള്ളതായി കിരീടാവകാശിയും പ്രധാനമന്ത്രിയുമായ പ്രിൻസ് സൽമാൻ ബിൻ ഹമദ് ആൽ ഖലീഫ വ്യക്തമാക്കി. ബഹ്റൈനിലെ ഫിലിപ്പീൻസ് അംബാസഡർ അൽേഫാൻസോ ഫെർനായിഡ് എ. വെറിനെ റിഫ പാലസിൽ സ്വീകരിച്ച് സംസാരിക്കുകയായിരുന്നു അദ്ദേഹം.
ബഹ്റൈനുമായി ബന്ധം ശക്തിപ്പെടുത്തുന്നതിന് അംബാസഡർ നൽകിയ സേവനങ്ങളെ അദ്ദേഹം അഭിനന്ദിച്ചു. ബഹ്റൈനിലെ സേവനം അവസാനിപ്പിച്ച് മടങ്ങുന്ന അദ്ദേഹത്തിെൻറ ഭാവിജീവിതം സന്തോഷവും സമാധാനവും നിറഞ്ഞതായിരിക്കട്ടെയെന്നും ആശംസിച്ചു. തെൻറ ഔദ്യോഗിക കൃത്യനിർവഹണത്തിന് എല്ലാവിധ സഹായങ്ങളും നൽകിയത് സന്തോഷപൂർവം സ്മരിക്കുന്നതായും പ്രിൻസ് സൽമാന് പ്രത്യേകം നന്ദി പ്രകാശിപ്പിക്കുന്നതായും അൽഫോൻസോ വ്യക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.