മനാമ: ദക്ഷിണ മേഖല ഗവർണറേറ്റിന് അഡ്മിനിസ്ട്രേഷൻ മികവിന് ഐ.എസ്.ഒ 9001:2015 അംഗീകാരം ലഭിച്ചു. ഗവർണർ ശൈഖ് ഖലീഫ ബിൻ അലി ബിൻ ഖലീഫ ആൽ ഖലീഫ സർട്ടിഫിക്കറ്റ് ഏറ്റുവാങ്ങി. ഗവർണറേറ്റ് നൽകിക്കൊണ്ടിരിക്കുന്ന സേവനങ്ങൾ മെച്ചപ്പെടുത്താൻ സാധിച്ചതിന്റെകൂടി അംഗീകാരമാണിതെന്ന് സർട്ടിഫിക്കറ്റ് ഏറ്റുവാങ്ങിയ ഗവർണർ വ്യക്തമാക്കി. ഇത്തരമൊരു നേട്ടത്തിൽ ഏറെ ആഹ്ലാദമുള്ളതായും ഇതിനു പിന്നിൽ പ്രവർത്തിച്ച ഗവർണറേറ്റിലെ ഉദ്യോഗസ്ഥർക്ക് പ്രത്യേകം നന്ദി പ്രകാശിപ്പിക്കുന്നതായും അദ്ദേഹം വ്യക്തമാക്കി. ആഭ്യന്തര മന്ത്രി കേണൽ ജനറൽ ശൈഖ് റാശിദ് ബിൻ അബ്ദുല്ല ആൽ ഖലീഫയുടെ നിർദേശങ്ങളും പിന്തുണയുമാണ് ഇത്തരമൊരു അംഗീകാരം ലഭിക്കാൻ കാരണമെന്ന് അദ്ദേഹം ചൂണ്ടിക്കാട്ടി. പ്രതീക്ഷിത നിലവാരത്തിലേക്ക് പ്രവർത്തനങ്ങൾ മെച്ചപ്പെടുത്തുന്നതിന് വിവിധ ഉദ്യോഗസ്ഥരുടെ ആത്മാർഥമായ പ്രവർത്തനം വഴി സാധിച്ചിട്ടുണ്ടെന്നും അദ്ദേഹം വിലയിരുത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.