കെ.സി.എ ഭാരവാഹികൾ വാർത്തസമ്മേളനം നടത്തുന്നു
മനാമ: കേരള കാത്തലിക് അസോസിയേഷൻ (കെ.സി.എ) വാർഷിക പുതുവത്സര-ക്രിസ്മസ് വിരുന്ന് ജനുവരി 12 വെള്ളിയാഴ്ച ഉച്ചക്ക് 12ന് മനാമയിലെ ക്രൗൺ പ്ലാസ കൺവെൻഷൻ സെന്ററിൽ നടക്കുമെന്ന് ഭാരവാഹികൾ അറിയിച്ചു. ക്രിസ്മസ്/പുതുവത്സര വിരുന്നിന് നോർത്തേൺ അറേബ്യ അപ്പസ്തോലിക് വികാർ ബിഷപ് ആൽഡോ ബെറാർഡി, ഒ.എസ് എസ്.ടി. മുഖ്യാതിഥിയായിരിക്കുമെന്ന് കെ.സി.എ പ്രസിഡന്റ് നിത്യൻ തോമസ് അറിയിച്ചു. ചാരിറ്റി ചെയർമാൻ ജെയിംസ് ജോണിന്റെ നേതൃത്വത്തിലുള്ള കമ്മിറ്റിയാണ് ഈ വർഷത്തെ ചാരിറ്റി പ്രവർത്തനങ്ങൾ ഏകോപിപ്പിക്കുന്നത്. കെ.സി.എ ജനറൽ സെക്രട്ടറി വിനു ക്രിസ്റ്റി, കോർ ഗ്രൂപ് ചെയർമാൻ എബ്രഹാം ജോൺ, സ്പോൺസർഷിപ് ചെയർമാൻ സേവി മാത്തുണ്ണി, എന്റർടെയ്ൻമെൻറ് സെക്രട്ടറി ജിതിൻ ജോസ് എന്നിവർ വാർത്തസമ്മേളനത്തിൽ പങ്കെടുത്തു. അംഗങ്ങൾക്കും ക്ഷണിതാക്കൾക്കും പങ്കെടുക്കാവുന്ന ക്രിസ്മസ്-പുതു വത്സര പരിപാടിയെക്കുറിച്ചുള്ള കൂടുതൽ വിവരങ്ങൾക്ക്‌ ജെയിംസ് ജോൺ (36925388), സ്പോൺസർഷിപ് ചെയർമാൻ സേവി മാത്തുണ്ണി (38382676) എന്നിവരുമായി ബന്ധപ്പെടുക.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.