ജോർഡൻ അംബാസഡർ കൈമാറിയ കത്ത് വായിക്കുന്ന രാജാവ് ഹമദ് ബിൻ ഈസ ആൽ ഖലീഫ
മനാമ: രാജാവ് ഹമദ് ബിൻ ഈസ ആൽ ഖലീഫക്ക് രാജ്യം സന്ദർശിക്കാനുള്ള ജോർഡൻ രാജാവിന്റെ ഔദ്യോഗിക ക്ഷണക്കത്ത് കൈമാറി ബഹ്റൈനിലെ ജോർഡൻ അംബാസഡർ. ഹമദ് രാജാവ് ക്ഷണം സ്വീകരിച്ചതായും ക്ഷണത്തിന് ജോർഡൻ രാജാവിന് നന്ദിയറിയിച്ചതായും മാധ്യമങ്ങൾ റിപ്പോർട്ട് ചെയ്തു. ജോർഡൻ അംബാസഡർ റാമി സാലിഹ് റൈക്കാത്ത് അൽ അദ്വാനാണ് സഫ്റിയ പാലസിൽ നടന്ന കൂടിക്കാഴ്ചക്കിടെ ഹമദ് രാജാവിന് ക്ഷണക്കത്ത് കൈമാറിയത്. രണ്ടു രാജ്യങ്ങളും തമ്മിലുള്ള ദൃഢ ബന്ധത്തെക്കുറിച്ചും പരസ്പര സഹകരണങ്ങളെക്കുറിച്ചും ഹമദ് രാജാവ് വാചാലനായി. ബന്ധങ്ങൾ ദൃഢമാക്കുന്നതിനായി പ്രവർത്തിക്കുന്ന ജോർഡൻ രാജാവിന്റെ പ്രവർത്തനങ്ങളെയും ഹമദ് രാജാവ് പ്രശംസിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.