മനാമ: ബഹ്റൈനിലെ കാൻസർ കെയർ ഗ്രൂപ് (CCG) പ്രസിഡന്റും അറിയപ്പെടുന്ന സാമൂഹിക പ്രവർത്തകനുമായ ഡോ. പി.വി. ചെറിയാനെ ലൈറ്റ്സ് ഓഫ് കൈൻഡ്നസ് പ്രതിനിധികൾ ആദരിച്ചു.
ബഹ്റൈനിൽ ഡോ. പി.വി. ചെറിയാൻ എത്തിയിട്ട് 45 വർഷം പൂർത്തിയാക്കിയതിന്റെ ഭാഗമായാണ് ആദരം. ആതുരസേവനരംഗത്ത് സ്തുത്യർഹ സേവനങ്ങൾ നൽകുന്നതിനു പുറമേ ബഹ്റൈനിലെ സാമൂഹിക സാംസ്കാരിക ജീവകാരുണ്യ മേഖലകളിലും വിദ്യാഭ്യാസ മേഖലകളിലും 45 വർഷമായി സേവനങ്ങളും നിരവധി പ്രവർത്തനങ്ങളുമായി ഡോക്ടർ മുൻപന്തിയിലുണ്ട്. ബഹ്റൈനിലെ നിരവധി മലയാളി സംഘടനകളുടെ നേതാവായും രക്ഷാധികാരിയായും അദ്ദേഹം പ്രവർത്തിച്ചുവരുന്നു.
ഉമ്മൽഹസം ബാങ്കോക്ക് റസ്റ്റാറന്റിൽ നടന്ന ചടങ്ങിൽ ലൈറ്റ് ഓഫ് കൈൻഡ്നസ് സ്ഥാപകൻ സയ്യിദ് ഹനീഫ്, പ്രതിനിധി മുഹമ്മദ് നിയമത്തുള്ള എന്നിവർ ബൊക്കെയും മറ്റു സ്നേഹസമ്മാനങ്ങളും നൽകി അദ്ദേഹത്തെ ആദരിച്ചു. നിരവധി സാമൂഹിക പ്രവർത്തനങ്ങൾ നടത്തിവരുന്ന ലൈറ്റ്സ് ഓഫ് കൈൻഡ്നസിന് ഡോക്ടർ തന്റെ അഭിനന്ദനം അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.