മനാമ: ഇന്ത്യൻ സ്‌കൂൾ ബഹ്റൈൻ ഈ വർഷത്തെ മെഗാ ഫെയറിനോട് അനുബന്ധിച്ച് കായിക പ്രേമികൾക്കായി വിവിധ മത്സരങ്ങൾ സംഘടിപ്പിക്കുന്നു. ഫുട്ബോൾ, ക്രിക്കറ്റ്, വോളിബോൾ എന്നിവയിലാണ് മത്സരങ്ങൾ നടക്കുക. ഇന്ത്യൻ സ്‌കൂൾ ഇൗസ ടൗൺ ഗ്രൗണ്ടിൽ ഡിസംബർ ഒന്നിന് നടക്കുന്ന കായിക മത്സരങ്ങളിൽ പങ്കെടുക്കാൻ ആഗ്രഹിക്കുന്ന ടീമുകൾക്ക് താഴെ കൊടുത്ത ലിങ്കിൽ ക്ലിക് ചെയ്തു വിവരങ്ങൾ നൽകാം: https://goo.gl/Pff77X . പകലും രാത്രിയുമായി നടക്കുന്ന കായിക മത്സരങ്ങളിലെ ജേതാക്കൾക്ക് ആകർഷകമായ സമ്മാനങ്ങൾ ലഭിക്കും. കായിക മത്സരങ്ങളിൽ പങ്കെടുക്കാൻ ആഗ്രഹിക്കുന്നവർ ഇന്ത്യൻ സ്‌കൂൾ എക്സിക്യൂട്ടീവ് കമ്മിറ്റി അംഗം (കായികം) എം എൻ രാജേഷുമായി ബന്ധപ്പെടണം. ഫോൺ : 37776719.
ഇന്ത്യൻ സ്‌കൂൾ മെഗാഫെയറിെൻറ ഭാഗമായ മത്സരങ്ങൾ ഉജ്വല വിജയമാക്കിത്തീർക്കാൻ വിവിധ കമ്മിറ്റികൾ പ്രവർത്തനം ആരംഭിച്ചു കഴിഞ്ഞതായും സംഘാടകർ പറഞ്ഞു. എസ്. ഇനയദുള്ള ജനറൽ കൺവീനറായ സംഘാടകസമിതി വളരെ വിപുലമായപരിപാടികളാണ് ഫെയർ വിജയിപ്പിക്കുന്നതിന് സംഘടിപ്പിച്ചു വരുന്നത്. വിനോദ പരിപാടികളുടെ ഭാഗമായി തെന്നിന്ത്യൻ പിന്നണിഗായകരായ വിധുപ്രതാപും ഗായത്രിയും സഞ്ജിത് സലാമും നയിക്കുന്ന സംഗീത നിശ 20നും പ്രശസ്ത ബോളിവുഡ് പിന്നണിഗായിക പ്രയങ്ക നേഗി നേതൃത്വം നൽകുന്ന ഉത്തരേന്ത്യൻ സംഗീത നിശ 21 നും നടക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.