മനാമ: ബഹ്റൈനിലെ പ്രമുഖ വ്യവസായി മുഹമ്മദ് ബിൻ അബ്ദുല്ല ഈസ അൽ മന്നാഇ (89) അന്തരിച്ചു. 1824ൽ സ്ഥാപിതമായ അൽ മന്നാഇ ജ്വല്ലറിയുടെ വളർച്ചയിൽ പങ്കുവഹിച്ച അദ്ദേഹം അൽ അഹ്ലി ബാങ്കിന്‍റെ സ്ഥാപകാംഗമായിരുന്നു. ഡെൽമൺ പൗൾട്രി ഫാം കമ്പനി, അൽ അഹ്ലിയ പൗൾട്രി ഫാം കമ്പനി എന്നിവയുടെ സ്ഥാപകനും ഗൾഫ് ഇൻവെസ്റ്റ്മെന്‍റ് ബാങ്ക് എക്സിക്യൂട്ടിവ് കമ്മിറ്റി അംഗവുമായിരുന്നു അദ്ദേഹം.
കൂടാതെ, ഗ്ലാസ് ടെക്നോളജീസ്, അൽ മന്നാഇ ഇൻവെസ്റ്റ്മെന്‍റ് കമ്പനി എന്നിവയുടെയും സ്ഥാപകനായിരുന്നു. വിവിധ കമ്പനികളുടെ സാരഥ്യം വഹിച്ച അദ്ദേഹത്തിന്‍റെ സേവനങ്ങളെ മാനിച്ച് രാജാവ് ഹമദ് ബിൻ ഈസ ആൽ ഖലീഫ പ്രത്യേക അവാർഡ് നൽകി ആദരിക്കുകയും ചെയ്തിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.