ബഹ്‌റൈനിൽ വ്യാ​ജ ഫോ​ൺ സ​ന്ദേ​ശ​ങ്ങ​ളി​ലൂ​ടെ പ​ണം​ത​ട്ടു​ന്ന സം​ഘ​ങ്ങ​ൾ വീ​ണ്ടും സ​ജീ​വം

മ​നാ​മ: വ്യാ​ജ ഫോ​ൺ സ​ന്ദേ​ശ​ങ്ങ​ളി​ലൂ​ടെ പ​ണം ത​ട്ടു​ന്ന സം​ഘ​ങ്ങ​ൾ വീ​ണ്ടും സ​ജീ​വ​മാ​യി. ആ​രോ​ഗ്യ​വ​കു​പ്പി​ൽ​നി​ന്നാ​ണെ​ന്നു പ​റ​ഞ്ഞാ​ണ് കാ​ൾ വ​രു​ന്ന​ത്. കോ​വി​ഡ് വാ​ക്സി​നേ​ഷ​ന്റെ വി​വ​ര​ങ്ങ​ൾ ചോ​ദി​ച്ച​ശേ​ഷം അ​ത് അ​പ്ഡേ​റ്റ് ചെ​യ്യ​ണ​മെ​ന്നും അ​തി​നാ​യി ഫോ​ണി​ലേ​ക്ക് അ​യ​ച്ചി​രി​ക്കു​ന്ന ലി​ങ്കി​ൽ ക​യ​റ​ണ​മെ​ന്നു​മാ​ണ് പ​റ​യു​ന്ന​ത്. ഫോ​ൺ ക​ട്ട് ചെ​യ്തി​ട്ട് ലി​ങ്ക് നോ​ക്കാ​മെ​ന്ന് പ​റ​യു​മ്പോ​ൾ സ​മ്മ​തി​ക്കി​ല്ല.

കാ​ൾ ക​ട്ട് ചെ​യ്യാ​തെ​ത​ന്നെ ലി​ങ്കി​ൽ ക​യ​റി വി​വ​ര​ങ്ങ​ൾ അ​പ്ഡേ​റ്റ് ചെ​യ്യാ​ൻ നി​ർ​ബ​ന്ധി​ക്കു​ക​യാ​ണ് ത​ട്ടി​പ്പു​കാ​ർ ചെ​യ്യു​ന്ന​ത്. ഇ​ങ്ങ​നെ ലി​ങ്കി​ൽ ക്ലി​ക്ക് ചെ​യ്താ​ലു​ട​ൻ ഫോ​ണു​മാ​യി ബ​ന്ധി​പ്പി​ച്ചി​രി​ക്കു​ന്ന ബാ​ങ്ക് അ​ക്കൗ​ണ്ടി​ൽ​നി​ന്ന് പ​ണം പോ​കും. പ​ണം കൈ​മാ​റി എ​ന്ന് ബാ​ങ്കി​ന്റെ മെ​സേ​ജ് വ​രു​മ്പോ​ഴാ​ണ് ത​ങ്ങ​ൾ ത​ട്ടി​പ്പി​നി​ര​യാ​യി എ​ന്ന് ആ​ളു​ക​ൾ​ക്ക് മ​ന​സ്സി​ലാ​കു​ന്ന​ത്.

പ്ര​വാ​സി​ക​ളെ ല​ക്ഷ്യ​മി​ട്ടാ​ണ് ത​ട്ടി​പ്പു​സം​ഘ​ങ്ങ​ൾ പ്ര​വ​ർ​ത്തി​ക്കു​ന്ന​ത്. ഇം​ഗ്ലീ​ഷി​ലും ഹി​ന്ദി​യി​ലു​മാ​ണ് ത​ട്ടി​പ്പു​കാ​ർ സം​സാ​രി​ക്കു​ന്ന​ത്. മു​മ്പ് ഇ​ത്ത​രം ഫോ​ൺ ത​ട്ടി​പ്പ് വ്യാ​പ​ക​മാ​യ​തി​നെ​ത്തു​ട​ർ​ന്ന് പൊ​ലീ​സ് ക​ർ​ശ​ന ന​ട​പ​ടി​ക​ൾ സ്വീ​ക​രി​ച്ചി​രു​ന്നു. ഏ​ഷ്യ​ക്കാ​ര​ട​ക്ക​മു​ള്ള സം​ഘ​ത്തെ അ​റ​സ്റ്റ് ചെ​യ്തി​രു​ന്നു. വ്യാ​ജ ഫോ​ൺ സ​ന്ദേ​ശ​ങ്ങ​ളി​ൽ കു​ടു​ങ്ങ​രു​തെ​ന്ന് പൊ​ലീ​സ് മു​ന്ന​റി​യി​പ്പ് ന​ൽ​കു​ക​യും ചെ​യ്തി​രു​ന്നു.

എ​ന്നാ​ൽ, ത​ട്ടി​പ്പു​കാ​ർ സാ​ധാ​ര​ണ​ക്കാ​രെ​യാ​ണ് ഫോ​ണി​ൽ വി​ളി​ക്കു​ന്ന​ത്. ഔ​ദ്യോ​ഗി​ക സ്ഥാ​പ​ന​ങ്ങ​ളി​ൽ​നി​ന്നാ​ണെ​ന്ന് പ​റ​യു​ക​യും എ​ൽ.​എം.​ആ​ർ.​എ, ആ​രോ​ഗ്യ​വ​കു​പ്പ്, ബാ​ങ്ക് എ​ന്നി​വി​ട​ങ്ങ​ളി​ൽ​നി​ന്നാ​ണെ​ന്ന് ധ​രി​പ്പി​ക്കു​ക​യും ചെ​യ്യും. ഇ​ത് കേ​ട്ട് ഭ​യ​ക്കു​ന്ന സാ​ധാ​ര​ണ​ക്കാ​ർ ഇ​വ​രു​ടെ നി​ർ​ദേ​ശ​പ്ര​കാ​രം ലി​ങ്കി​ൽ ക​യ​റു​ക​യോ ഒ.​ടി.​പി ന​ൽ​കു​ക​യോ ചെ​യ്യു​മ്പോ​ൾ ത​ട്ടി​പ്പി​നി​ര​ക​ളാ​കും. പൊ​ലീ​സ് ഉ​ദ്യോ​ഗ​സ്ഥ​രാ​ണെ​ന്ന വ്യാ​ജേ​ന​യും ത​ട്ടി​പ്പു​കാ​ർ വി​ളി​ച്ച സം​ഭ​വ​ങ്ങ​ളു​ണ്ട്.

വി​ശ്വാ​സ്യ​ത​ക്കാ​യി സ​ർ​ക്കാ​ർ സ്ഥാ​പ​ന​ങ്ങ​ളാ​ണെ​ന്ന് തെ​റ്റി​ദ്ധ​രി​പ്പി​ക്കു​ന്ന പ​ശ്ചാ​ത്ത​ല​ത്തി​ലി​രു​ന്ന് വി​ഡി​യോ കാ​ൾ ഉ​ൾ​പ്പെ​ടെ വി​ളി​ച്ച​താ​യി നി​ര​വ​ധി പേ​ർ പ​രാ​തി​പ്പെ​ടു​ന്നു. പൊ​ലീ​സി​ൽ പ​രാ​തി ന​ൽ​കി​യാ​ലും ഓ​ൺ​ലൈ​ൻ ഇ​ട​പാ​ടാ​യ​തി​നാ​ൽ പ​ല​പ്പോ​ഴും ത​ട്ടി​പ്പു​കാ​രെ ക​ണ്ടെ​ത്താ​ൻ സാ​ധി​ക്കു​ന്നി​ല്ല. പ​ല​പ്പോ​ഴും മ​റ്റു രാ​ജ്യ​ങ്ങ​ളി​ലി​രു​ന്നാ​കും ത​ട്ടി​പ്പു​കാ​ർ ഓ​പ​റേ​ഷ​ൻ ന​ട​ത്തു​ക. സൈ​ബ​ർ സു​ര​ക്ഷ ശ​ക്തി​പ്പെ​ടു​ത്തു​ന്ന​തു സം​ബ​ന്ധി​ച്ച് സ​ർ​ക്കാ​ർ വി​വി​ധ ത​ല​ങ്ങ​ളി​ൽ ആ​ലോ​ച​ന​ക​ൾ ന​ട​ത്തു​ക​യും ന​ട​പ​ടി​ക​ൾ സ്വീ​ക​രി​ക്കു​ക​യും ചെ​യ്തി​ട്ടു​ണ്ട്.

എ​ന്നാ​ൽ, മു​ൻ​ക​രു​ത​ൽ സ്വീ​ക​രി​ക്കു​ക​യാ​ണ് വേ​ണ്ട​തെ​ന്ന് അ​ധി​കാ​രി​ക​ൾ പ​റ​യു​ന്നു. ഒ​രു ഔ​ദ്യോ​ഗി​ക സ്ഥാ​പ​ന​വും ഫോ​ണി​ലൂ​ടെ ഇ​ത്ത​രം അ​പ്ഡേ​ഷ​നു​ക​ൾ സം​ബ​ന്ധി​ച്ച് വി​വ​ര​ങ്ങ​ൾ കൈ​മാ​റു​ക​യോ നി​ർ​ദേ​ശ​ങ്ങ​ൾ ന​ൽ​കു​ക​യോ ചെ​യ്യാ​റി​ല്ല. അ​ങ്ങ​നെ കാ​ൾ വ​ന്നാ​ൽ ക​ട്ട് ചെ​യ്യു​ക​യോ വി​വ​ര​ങ്ങ​ൾ ഓ​ഫി​സി​ൽ നേ​രി​ട്ട് ന​ൽ​കാ​മെ​ന്ന് പ​റ​യു​ക​യോ ​ചെ​യ്യ​ണം.