പൊതുവിദ്യാലയ പ്രവേശനത്തിലെ വർധനവ്​: നല്ല തുടക്കമാക​​​െട്ടയെന്ന്​ പ്രവാസലോകം

മനാമ: കേരളത്തിലെ പൊതു വിദ്യാലയങ്ങളിലേക്ക്​ പ്രവേശനം നേടിയവരിൽ, ഇൗ വർഷം ബഹ്​റൈൻ പ്രവാസികളുടെ മക്കളുടെ എണ്ണവ ും കൂടിയെന്നത്​ നല്ല തുടക്കമാക​​െട്ടയെന്ന്​ പ്രവാസലോകം. കേരളം പോലുള്ള വിദ്യാഭ്യാസ, സാംസ്​ക്കാരിക മുന്നേറ് റമുള്ള സംസ്ഥാനത്ത്​ പൊതുവിദ്യാഭ്യാസ മേഖലയുടെ തിരിച്ചുവരവ്​ സമൂഹത്തിന്​ ഏറെ ഗുണകരമാകുമെന്നും പ്രവാസികൾ അഭി പ്രായപ്പെട്ടു. പ്രവാസികളുടെ മക്കൾ ഇൗ വർഷം കൂടുതലായി പൊതുവിദ്യാലയങ്ങളിലേക്ക്​ ചേർന്നതിന്​ നിരവധി കാരണങ്ങൾ ച ൂണ്ടിക്കാട്ടപ്പെടുന്നുണ്ടെങ്കിലും ​സംസ്ഥാനത്തെ പൊതുവിദ്യാഭ്യാസ രംഗത്തി​​െൻറ മികവാണ്​ അതിന്​ പ്രധാന കാരണമായി പറയുന്നത്​. ഒരുകാലത്ത്​ പൊതു​വിദ്യാലയങ്ങൾ അധ്യാപകരുടെ കാര്യക്ഷമത ഇല്ലായ്​മ ഉൾപ്പെടെയുള്ള പ്രശ്​നങ്ങളാൽ നിലവാര തകർച്ച നേരിട്ടിരുന്നു​. പത്താം ക്ലാസ്​ പരീക്ഷയിൽ മുപ്പതും മുപ്പത്തിയഞ്ചും മാത്രം വിജയശതമാനം നേടിയിരുന്നതും ദൈനംദിന അധ്യായനത്തിലെ താളപ്പിഴകളും രക്ഷിതാക്കൾ തങ്ങളുടെ കുട്ടികളെ അവിടെ നിന്ന്​ മാറ്റാൻ കാരണമായിരുന്നു.

ഇതാണ്​ സ്വകാര്യ മേഖലയിൽ സ്​കൂളുകൾ കൂണുകൾ പോലെ വളരാൻ കാരണമായത്​. എളുപ്പത്തിൽ ലാഭം കിട്ടാവുന്ന മേഖലയായി പല സ്വകാര്യ സ്​കൂളുകളും മാറിയതും പൊടുന്നനെയാണ്​. മതിയായ ​വിദ്യാഭ്യാസ യോഗ്യതയോ അനുഭവ സമ്പത്തോ ഇല്ലാത്ത അധ്യാപകരെ ചില സ്വകാര്യ സ്​കൂളുകൾ നിയമിക്കുന്നതും പിന്നീടുള്ള കാഴ്​ചയായി. എന്നാൽ അടുത്തിടെ പൊതുവിദ്യാലയങ്ങളുടെ കാര്യത്തിൽ സർക്കാരും പി.ടി.എ കമ്മിറ്റികളും ഇടപെടാൻ തുടങ്ങിയതോടെയാണ്​ മാറ്റം ഉണ്ടായി തുടങ്ങിയത്​. ഡിവിഷൻ കുറഞ്ഞ്​ തങ്ങളുടെ തൊഴിൽ പോകുമെന്ന ഭീതി ഉണ്ടായതോടെ അധ്യാപകരും കുട്ടികളെ പൊതുവിദ്യാലയങ്ങളിലേക്ക്​ സ്വാഗതം ചെയ്​ത്​ വീടുകൾ കയറിയിറങ്ങാൻ തുടങ്ങി. നിലവാരം കുറഞ്ഞ സ്​കൂളുകളിൽ പി.ടി.എയുടെ സഹായത്തോടെ രാത്രിക്ലാസുകൾ ഉൾപ്പെടെ സംഘടിപ്പിച്ചുക്കൊണ്ടാണ്​ അധ്യാപകരും കുട്ടികളെ മികച്ച വിജയം നേടാൻ സജ്ജരാക്കിയത്​.

ഇതോടെയാണ് പഠന​ നിലവാരത്തിലും പത്ത്​, പ്ലസ്​ ടു പരീക്ഷകളിൽ നൂറുശതമാനം വിജയവും കൈവരിച്ച്​ പൊതുവിദ്യാലയങ്ങൾ മുന്നേറ്റത്തി​​െൻറ പാതയിലേക്ക്​ എത്തിത്തുടങ്ങിയത്​. മാത്രമല്ല നീറ്റ്​ ഉൾപ്പെടെയുള്ള വിവിധ എൻട്രൻസ്​ പരീക്ഷകളിലും പൊതുവിദ്യാലയങ്ങളിൽ പഠിച്ച കുട്ടികൾ ഉയർന്ന വിജയം നേടുന്നതും ഇന്ന്​ പതിവ്​ വാർത്തയായിട്ടുണ്ട്​. എന്നാൽ പ്രവാസികൾ തങ്ങളുടെ മക്കളെ പൊതു വിദ്യാലയങ്ങളിലേക്ക്​ ചേർക്കാൻ, കേരളത്തിലെ സ്വകാര്യ സ്​കൂളുകളി​െല അമിത ഫീസും ഒരു കാരണമാണ്​. നിയമപ്രകാരം ട്യൂഷൻ ഫീസ്​ പ്ര​േത്യകം നിജപ്പെടുത്തിയിട്ടുണ്ടെങ്കിലും സ്വകാര്യ സ്​കൂളുകൾ നല്ലൊരു സംഖ്യ ഒരു വർഷം ഒരുമിച്ചോ, മൂന്ന്​ തവണകളാ​േയാ വാങ്ങുന്നുണ്ട്​. യുവജനോത്​സവത്തിന്​ നൃത്തം അഭ്യസിപ്പിക്കുന്നതിനുവരെ ഇൗ സ്​കൂളുകൾ നല്ലൊരു തുക ഇൗടാക്കും. ത​​െൻറ മക​ളെ രണ്ട്​ വർഷം മുമ്പ്​ സ്വകാര്യ സ്​കൂളിൽനിന്ന്​ മാറ്റി പൊതുവിദ്യാലയത്തിൽ പ്ലസ്​ വണ്ണിന്​ ചേർത്ത അനുഭവമാണ്​ ബഹ്​റൈൻ പ്രവാസിയായ ഉസ്​മാൻ ടിപ്പ്​ ടോപ്പിന്​ പറയാനുള്ളത്​. പ്ലസ്​ടു പരീക്ഷയിൽ കുട്ടിക്ക്​ 99 ശതമാനം മാർക്ക്​ ലഭിച്ചു. മാത്രമല്ല യാതൊരു തരത്തിലുള്ള ഫീസുകളും അടക്കേണ്ടി വന്നിട്ടില്ല. ത​​െൻറ അഞ്ച്​, ഏഴ്​ ക്ലാസുകളിൽ പഠിക്കുന്ന കുട്ടികളെ അടുത്തയാഴ്​ച പൊതുവിദ്യാലയത്തിലേക്ക്​ ചേർക്കുമെന്നും ഇദ്ദേഹം ‘ഗൾഫ്​ മാധ്യമ’ത്തോട്​ പറഞ്ഞു. വരവും ചിലവും ഒരുമിച്ച്​ ​െകാണ്ടുപോകുന്നതിൽ പ്രയാസപ്പെടുന്ന പ്രവാസികൾ തങ്ങളുടെ കുട്ടികൾക്ക്​ നിലവാരവും സൗജന്യവുമായ വിദ്യാഭ്യാസവും ലഭിക്കുമെന്ന്​ ഉറപ്പുണ്ടെങ്കിൽ എന്തുക്കൊണ്ട്​ അത്​ ഉപ​ോയാഗിക്കാതിരിക്കണമെന്നും അദ്ദേഹം ചോദിക്കുന്നു.

ത​​െൻറ എട്ടാം ക്ലാസുകാരിയായ മകളെ ഇൗ വർഷം കൊയിലാണ്ടി ഗവ. ഗേൾസ്​ സ്​കൂളിൽ ചേർത്തതായി ബഹ്​റൈനിലെ സാമൂഹിക പ്രവർത്തകൻ കെ.ടി.സലീം പറഞ്ഞു. സ്കൂൾ തുറന്നദിനത്തിൽ താൻ കുട്ടിക്കൊപ്പം സ്​കൂളിൽ പോയിരുന്നതായും സ്ഥലം എം.എൽ.എയുടെ ഫണ്ടിൽ നിന്നും നിർമ്മിച്ച ‘ഒ. എൻ.വി. കുറുപ്പ് മെമ്മോറിയൽ’എന്ന മ​േനാഹരമായ കെട്ടിടത്തിലാണ് മകളുടെ ക്ലാസ് റൂം എന്നും അദ്ദേഹം പറഞ്ഞു. എല്ലാ വിഭാഗം മക്കളും ഒന്നിച്ചിരുന്നുള്ള പഠനം സൗഹൃദാന്തരീക്ഷമുള്ള തലമുറയെ വാർത്തെടുക്കാൻ കാരണമാകുമെന്നും കെ.ടി.സലീം കൂട്ടിച്ചേർത്തു. ഇംഗ്ലീഷ്​ ഭാഷാ പഠനം ഉദ്ദേശിച്ചാണ്​ പ്രവാസികൾ ഉൾപ്പെടെയുള്ളവർ മക്കളെ സ്വകാര്യ സ്​കൂളുകളിലേക്ക്​ അയച്ചിരുന്നതെന്ന്​ സാമൂഹിക പ്രവർത്തകൻ ലത്തീഫ്​ ആയഞ്ചേരി പറഞ്ഞു. മുമ്പ്​ സർക്കാർ സ്​കൂളുകളിൽ അടിസ്ഥാന സൗകര്യങ്ങളും ആവശ്യത്തിന്​ ഇല്ലാതിരുന്നു. എന്നാൽ സ്​കൂളുകളുടെ നിലവാരം ഉയരുകയും ഹൈടെക്​ സംവിധാനങ്ങളിലേക്ക്​ എത്തുകയും ചെയ്​തതും പൊതുവിദ്യാലയങ്ങളിലെ അധ്യാപകരുടെ സമർപ്പണ മനോഭാവം വർധിച്ചതും ഇപ്പോൾ കുട്ടികളുടെ പ്രവേശനം വർധിക്കാൻ കാരണമായതായും അദ്ദേഹം പറഞ്ഞു.