ആശുപത്രി വിടുന്ന രോഗികളുടെ പുഞ്ചിരിയാണ് ഏറ്റവും വലിയ പ്രതിഫലം

മ​നാ​മ: കോ​വി​ഡ് കാ​ല​ത്ത്, മ​ര​ണം പ​തി​യി​രു​ന്ന ഇ​ന്റ​ൻ​സി​വ് കെ​യ​ർ യൂ​നി​റ്റി​ൽ രാ​വും പ​ക​ലു​മി​ല്ലാ​തെ രോ​ഗി​ക​ളെ ശു​ശ്രൂ​ഷി​ച്ച ദി​ന​ങ്ങ​ൾ ഓ​ർ​ത്തെ​ടു​ക്കു​ക​യാ​ണ് സ​ൽ​മാ​നി​യ ആ​ശു​പ​ത്രി​യി​ലെ ന​ഴ്സ് ര​ജ​നി മ​നോ​ഹ​ര​ൻ. ​​​​ഫ്ലോ​റ​ൻ​സ് നൈ​റ്റി​ങ്ഗേ​ലി​ന്റെ ത്യാ​ഗോ​ജ്ജ്വ​ല സേ​വ​ന​ത്തി​ന്റെ സ്മ​ര​ണ​യി​ൽ ലോ​ക​മെ​മ്പാ​ടും ന​ഴ്സ​സ് ദി​ന​മാ​ച​രി​ക്കു​മ്പോ​ൾ ത​ന്റെ കു​ടും​ബ​ത്തി​ലെ മൂ​ന്നു ത​ല​മു​റ​യും ന​ഴ്സി​ങ് മേ​ഖ​ല​യി​ലാ​ണ് എ​ന്ന​തി​ൽ ഏ​റെ അ​ഭി​മാ​ന​മു​ണ്ടെ​ന്നും ര​ജ​നി ‘ഗ​ൾ​ഫ് മാ​ധ്യ​മ’​ത്തോ​ട് പ​റ​ഞ്ഞു.

കു​വൈ​ത്തി​ൽ ​ന​ഴ്സാ​യി ജോ​ലി നോ​ക്കി​യി​രു​ന്ന അ​മ്മ​യു​ടെ മാ​തൃ​ക പി​ന്തു​ട​ർ​ന്നാ​ണ് ര​ജ​നി ന​ഴ്സി​ങ് പ്ര​ഫ​ഷ​ൻ തി​ര​ഞ്ഞെ​ടു​ത്ത​ത്. സ​ൽ​മാ​നി​യ ആ​ശു​പ​ത്രി​യി​ൽ ന​ഴ്സാ​യി ജോ​ലി​യി​ൽ പ്ര​വേ​ശി​ച്ചി​ട്ട് 23 വ​ർ​ഷം തി​ക​യു​​മ്പോ​ൾ മ​ക​ളും ന​ഴ്സി​ങ് ത​ന്നെ തി​ര​ഞ്ഞെ​ടു​ത്ത​തി​ൽ സ​ന്തോ​ഷം മാ​ത്ര​മേ​യു​ള്ളൂ. 23 വ​ർ​ഷ​മാ​യി ഐ.​സി.​യു​വി​ലാ​ണ് എ​ന്ന​തി​നാ​ൽ രോ​ഗ​ത്തി​ന്റെ​യും അ​പ​ക​ട​ത്തി​ന്റെ​യും മ​ര​ണ​ത്തി​ന്റെ​യും ഭീ​ക​ര ദൃ​ശ്യ​ങ്ങ​ളാ​ണ് ഓ​രോ ദി​വ​സ​വും ക​ണ്ടു​കൊ​ണ്ടി​രി​ക്കു​ന്ന​ത്. കോ​വി​ഡ് കാ​ല​ത്ത് നേ​രി​ട്ട​നു​ഭ​വി​ച്ച നി​സ്സ​ഹാ​യ​രാ​യ മ​നു​ഷ്യ​രു​ടെ പി​ട​ച്ചി​ലു​ക​ൾ മ​റ​ക്കാ​നാ​വു​ന്ന​ത​ല്ല. ന​ട​ന്ന് ആ​ശു​പ​ത്രി​യി​ലേ​ക്ക് വ​രു​ന്ന​വ​ർ കോ​വി​ഡി​ന്റെ രൂ​ക്ഷ​ത മൂ​ലം മ​ര​ണ​ത്തെ പു​ൽ​കു​ന്ന​ത് നി​സ്സ​ഹാ​യ​ത​യോ​ടെ ക​ണ്ടു​നി​ൽ​ക്കേ​ണ്ടി​വ​ന്നു. അ​ങ്ങ​നെ​യൊ​രു ദി​വ​സ​മാ​ണ് ഒ​രു ചെ​റു​പ്പ​ക്കാ​ര​നെ ഗു​രു​ത​ര​മാ​യ അ​വ​സ്ഥ​യി​ൽ ഐ.​സി.​യു​വി​ൽ പ്ര​വേ​ശി​പ്പി​ച്ച​ത്. ആ​വ​ശ്യ​മാ​യ ശു​​ശ്രൂ​ഷ​ക​ൾ ന​ൽ​കി​യ​തി​നു​ശേ​ഷ​മാ​ണ് അ​യാ​ൾ പ​രി​ചി​ത​നാ​ണ​ല്ലോ എ​ന്ന് തോ​ന്നി​യ​ത്. സ്വ​ന്തം നാ​ട്ടു​കാ​ര​നാ​യ അ​യാ​ളെ ബ​ഹ്റൈ​നി​ൽ വെ​ച്ചും പ​ല​ത​വ​ണ ക​ണ്ടി​ട്ടു​ണ്ടാ​യി​രു​ന്നു. കോ​വി​ഡ് ഗു​രു​ത​ര​മാ​യി ബാ​ധി​ച്ച​തി​നാ​ൽ വെ​ന്റി​ലേ​റ്റ​റി​ൽ​നി​ന്ന് മാ​റ്റാ​ൻ ഡോ​ക്ട​ർ​മാ​ർ സ​മ്മ​തി​ച്ചി​രു​ന്നി​ല്ല. ത​ന്റെ നി​ർ​ബ​ന്ധം കൊ​ണ്ട് ഡോ​ക്ട​ർ​മാ​ർ ആ ​സാ​ഹ​സ​ത്തി​ന് തു​നി​യു​ക​യാ​യി​രു​ന്നു. ഭാ​ഗ്യ​വ​ശാ​ൽ അ​യാ​ളു​ടെ നി​ല മെ​ച്ച​പ്പെ​ട്ടു. പ​േ​ക്ഷ ​രോ​ഗ​തീ​വ്ര​ത മാ​ന​സി​ക​നി​ല​യെ ത​ന്നെ ബാ​ധി​ച്ചി​രു​ന്നു. ആ​ശു​പ​ത്രി സ്റ്റാ​ഫി​നെ കാ​ണു​മ്പോ​ൾ പ്ര​കോ​പി​ത​നാ​യി​ത്തു​ട​ങ്ങി. പ​േ​ക്ഷ, ത​ന്നെ കാ​ണു​ന്ന​ത് അ​ദ്ദേ​ഹ​ത്തി​ന് ആ​ശ്വാ​സ​മാ​യി​രു​ന്നെ​ന്ന് ര​ജ​നി പ​റ​ഞ്ഞു. മാ​ന​സി​ക​മാ​യ പി​ന്തു​ണ ഇ​ത്ത​രം രോ​ഗാ​വ​സ്ഥ​യി​ൽ ആ​വ​ശ്യ​മാ​ണെ​ന്ന​തി​നാ​ൽ അ​ത് ന​ൽ​കാ​ൻ ഡോ​ക്ട​ർ​മാ​രും ന​ഴ്സു​മാ​രും ശ്ര​മി​ച്ചു. മി​ക​ച്ച പ​രി​ച​ര​ണം ന​ൽ​കി​യ​തി​നാ​ൽ അ​ദ്ദേ​ഹം ആ​രോ​ഗ്യം ​വീ​ണ്ടെ​ടു​ത്ത് ആ​ശു​പ​ത്രി വി​ട്ടു. പി​ന്നീ​ട് കു​ടും​ബ​ത്തോ​ടൊ​പ്പം ആ​ശു​പ​ത്രി​യി​ൽ അ​ദ്ദേ​ഹം എ​ത്തി​യ​ത് മ​റ​ക്കാ​നാ​കാ​ത്ത അ​നു​ഭ​വ​മാ​യി​രു​ന്നു. എ​ല്ലാ സ്റ്റാ​ഫി​നും ന​ന്ദി പ​റ​ഞ്ഞാ​ണ് അ​വ​ർ പോ​യ​ത്. കോ​വി​ഡ് കാ​ല​ത്ത് നി​ര​വ​ധി മ​ര​ണ​ങ്ങ​ളാ​ണ് ക​ൺ​മു​ന്നി​ൽ ക​ണ്ട​ത്. മാ​റ്റാ​ൻ സ്ഥ​ല​മി​ല്ലാ​ത്ത​തി​നാ​ൽ പ​ല​പ്പോ​ഴും മൃ​ത​ദേ​ഹ​ങ്ങ​ളോ​ടൊ​പ്പം ക​ഴി​യേ​ണ്ടി​വ​ന്നി​ട്ടു​ണ്ട്. അ​ത്ത​രം ച​കി​ത​മാ​യ അ​നു​ഭ​വ​ങ്ങ​ളു​ണ്ടെ​ങ്കി​ലും, ന​മ്മ​ളു​ടെ പ​രി​ച​ര​ണം മൂ​ലം ര​ക്ഷ​പ്പെ​ട്ട രോ​ഗി​ക​ൾ പി​ന്നീ​ട് തേ​ടി​വ​രു​ന്ന അ​നു​ഭ​വ​മാ​ണ് ഈ ​പ്ര​ഫ​ഷ​ൻ ന​ൽ​കു​ന്ന സം​തൃ​പ്തി​യെ​ന്നും ര​ജ​നി പ​റ​യു​ന്നു.