അൽഐൻ: ലോകത്തിലെ ഏറ്റവും വലിയ മനുഷ്യ നിർമിത സഫാരിയായ അൽഐൻ സഫാരി ടൂറുകൾക്ക് 2022 ഫെബ്രുവരി അവസാനം വരെ 30 ശതമാനം ഇളവ് പ്രഖ്യാപിച്ച് അൽഐൻ മൃഗശാല. ഓൺലൈനായി ബുക്ക് ചെയ്യന്നവർക്ക് 'safari2022' എന്ന പ്രൊമോ കോഡ് ഉപയോഗിച്ച് ഈ ഇളവുകൾ ഉപയോഗപ്പെടുത്താം.
അൽ ഐൻ സഫാരി അനുഭവം പൊതുജനങ്ങൾക്ക് പരിചയപ്പെടുത്താൻ ലക്ഷ്യമിട്ട് ഹിലി മാളിലും ബവാദി മാളിലും മൃഗശാല ആരംഭിച്ച പ്രചാരണത്തിന്‍റെ ഭാഗമായാണ് ടിക്കറ്റ് നിരക്കിൽ ഇളവ് പ്രഖ്യാപിച്ചത്. വിശാലമായ ഭൂപ്രദേശത്ത് കൃത്രിമമായ ആവാസവ്യവസ്ഥയാണ് മൃഗങ്ങൾക്കായി ഒരുക്കിയിരിക്കുന്നത്. സ്വതന്ത്രമായി വിഹരിക്കുന്ന ആഫ്രിക്കൻ വന്യജീവികൾക്കിടയിലൂയിടെ കവചിത വാഹനങ്ങളിൽ സുരക്ഷിതമായ യാത്രയാണ് സഫാരിയിലുള്ളത്.
അൽഐൻ സഫാരിയിൽ എല്ലാ വിഭാഗം ജനങ്ങൾക്കും അനുയോജ്യമായ പാക്കേജുകളുണ്ട്. ആറ് പേരെ ഉൾക്കൊള്ളാൻ കഴിയുന്ന എസ്.യു.വി ടൂർ, 22 അതിഥികളെ ഉൾക്കൊള്ളുന്നന്ന പ്രത്യേക സഫാരി ട്രക്ക് എന്നിവയാണ് അവ. ഇമാറാത്തി ശൈലിയിലുള്ള സഫാരി യാത്രയിൽ പരിചയസമ്പന്നരും വൈദഗ്ധ്യവുമുള്ള ടൂർ ഗൈഡുകളും കൂടെയുണ്ടാകും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.