കുവൈത്ത് സിറ്റി: കെയ്റോയിൽ നടക്കുന്ന മൂന്നാമത് അറബ് അക്വാട്ടിക്സ് ചാമ്പ്യൻഷിപ്പിൽ കുവൈത്തിന് മികച്ച തുടക്കം.മത്സരത്തിന്റെ ആദ്യ ദിനത്തിൽ ഒരു സ്വർണവും ഒരു വെള്ളിയും രണ്ട് വെങ്കലവുമടക്കം കുവൈത്ത് ടീം നാലു മെഡലുകൾ നേടി.50 മീറ്റർ ബട്ടർഫ്ലൈ 15-16 പ്രായ വിഭാഗത്തിൽ നീന്തൽ താരം മുഹമ്മദ് സുബൈദാണ് സ്വർണം നേടിയത്.
മത്സരം 24.68 സെക്കൻഡിൽ പൂർത്തിയാക്കി പുതിയ അറബ് റെക്കോഡും സുബൈദ് സ്ഥാപിച്ചു. ഇതേ ഇനത്തിൽ 13-14 വിഭാഗത്തിൽ മത്സരിച്ച ഹുമൂദ് അൽ ഹുമൂദ് വെങ്കല മെഡൽ നേടി. 13-14 പ്രായത്തിലുള്ള റിലേ-200എം ഫ്രീ സ്റ്റൈലിൽ കുവൈത്ത് ടീം വെള്ളി മെഡൽ നേടി. ഹസൻ സായിദ്, ഹ്മൂദ് അൽ ഹ്മൂദ്, മുഹമ്മദ് അഷ്കനാനി, അബ്ദുല്ല സുൽത്താൻ എന്നിവരടങ്ങുന്ന ടീമാണ് നേട്ടത്തിന് പിറകിൽ. 800-എം ഫ്രീ സ്റ്റൈൽ മത്സരത്തിൽ ഖാലിദ് അൽ ഒതൈബി വെങ്കല മെഡൽ നേടി.
ചാമ്പ്യൻഷിപ്പിൽ 13-14 വയസ്സ്, 15-16, 17-18 എന്നിങ്ങനെ മൂന്ന് വിഭാഗങ്ങളിലായി ആൺ കുട്ടികളും പെൺകുട്ടികളും അടങ്ങുന്ന 27 കുവൈത്ത് നീന്തൽ താരങ്ങൾ മത്സരിക്കുന്നുണ്ട്. കെയ്റോ ഇന്റർനാഷനൽ സ്റ്റേഡിയത്തിലെ സ്വിമ്മിങ് പൂൾ കോംപ്ലക്സിലാണ് മത്സരങ്ങൾ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.