കല(ആർട്ട്) കുവൈത്ത് ഭാരവാഹികൾ വാർത്തസമ്മേളനത്തിൽ
കുവൈത്ത് സിറ്റി: കല (ആർട്ട്) കുവൈത്ത് ശിശുദിനത്തോടനുബന്ധിച്ച് ഇന്ത്യൻ സ്കൂൾ കുട്ടികൾക്കായി സംഘടിപ്പിക്കുന്ന ‘നിറം 2024’ ചിത്ര രചന മത്സരം ഡിസംബർ ആറിന് ഖൈത്താൻ ഇന്ത്യൻ കമ്യൂണിറ്റി സ്കൂളിൽ നടക്കും.
ഉച്ചക്ക് ശേഷം രണ്ടുമണിക്ക് മത്സരം ആരംഭിക്കും. 2005 മുതൽ നിറം എന്ന പേരിൽ വിജയകരമായി സംഘടിപ്പിച്ചുവരുന്ന ഈ പരിപാടിയുടെ 20ാം വാർഷികമാണ് ഈ വർഷമെന്ന് സംഘാടകർ വാർത്താസമ്മേളനത്തിൽ പറഞ്ഞു. എൽ.കെ.ജി മുതൽ ഒന്നാം ക്ലാസു വരെ, രണ്ടാം ക്ലാസ് മുതൽ നാലു വരെ, അഞ്ചാം ക്ലാസ് മുതൽ ഏഴ് വരെ, എട്ടാം ക്ലാസ് മുതൽ പന്ത്രണ്ടാം ക്ലാസ് വരെ എന്നിങ്ങനെ ഡ്രോയിങ്ങിലും പെയിന്റിങ്ങിലുമായി നാല് ഗ്രൂപ്പുകളിലായാണ് മത്സരം.
ആദ്യ രണ്ടു ഗ്രൂപ്പുകൾക്ക് ക്രയോൺസും കളർ പെൻസിലും മറ്റുള്ളവക്ക് വാട്ടർ കളറുകളും ഉപയോഗിക്കാം. ഇത് മത്സരാർഥികൾ കൊണ്ടുവരണം. ഡ്രോയിങ് ഷീറ്റ് സംഘാടകർ നൽകും. ഏഴാം ക്ലാസ് മുതൽ പന്ത്രണ്ടാം ക്ലാസ് വരെയുള്ള കുട്ടികൾക്കായി ക്ലേ സ്കൾപ്ച്ചർ മത്സരവും രക്ഷിതാക്കൾക്കും സന്ദർശകർക്കും പങ്കെടുക്കാവുന്ന ഓപൺ ക്യാൻവാസ് പെയിന്റിങ്ങും ഒരുക്കിയിട്ടുണ്ട്.
ഓപൺ ക്യാൻവാസ് മത്സരത്തിൽ പങ്കെടുക്കുന്നവർക്കും സമ്മാനം ലഭിക്കും. ഒന്നാം സമ്മാനം നേടുന്നവർക്ക് സ്വർണ നാണയവും രണ്ടും മൂന്നും സമ്മാനങ്ങൾക്കുപുറമെ 75 പേർക്ക് മെറിറ്റ് പ്രൈസും 10 ശതമാനം പേർക്ക് പ്രോത്സാഹന സമ്മാനവും നൽകും. ഡിസംബർ മൂന്നുവരെ ഓൺലൈൻ രജിസ്റ്റർ ചെയ്യാം www.kalakuwait.net. ഫോൺ- 67042514, 66114364, 66015466, 97219439.
വാർത്താസമ്മേളനത്തിൽ കല(ആർട്ട്) കുവൈത്ത് പ്രസിഡന്റ് ശിവകുമാർ, ജനറൽ സെക്രട്ടറി അനീഷ് വർഗീസ്, നിറം ജനറൽ കൺവീനർ പി.ഡി. രാകേഷ്, ട്രഷറർ അജിത് കുമാർ, പബ്ലിക് റിലേഷൻ കൺവീനർ മുകേഷ്, അമേരിക്കൻ ടൂറിസ്റ്റർ മാർക്കറ്റിങ് മാനേജർ ഹബീബ്, രജിസ്ട്രേഷൻ കൺവീനർ സുനിൽ കുമാർ പ്രോഗ്രാം, ജോയന്‍റ് കൺവീനർ അനീച്ച ഷൈജിത് എന്നിവർ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.