നാടുകടത്തൽ നടപടികൾ വേഗത്തിലാക്കാൻ ശ്രമം

കു​വൈ​ത്ത്​ സി​റ്റി: നാ​ടു​ക​ട​ത്ത​ൽ ന​ട​പ​ടി​ക​ൾ വേ​ഗ​ത്തി​ലാ​ക്കാ​ൻ കു​വൈ​ത്ത്​ ആ​ഭ്യ​ന്ത​ര മ​ന്ത്രാ​ല​യം ശ്ര​മി​ക്കു​ന്നു. ഇ​തി​നാ​യി താ​മ​സ​കാ​ര്യ വ​കു​പ്പ്​ അ​ൽ അ​സ്​​ഹാം റൗ​ണ്ട്​ എ​ബൗ​ട്ടി​നു​ സ​മീ​പം വൈ​കാ​തെ പ്ര​ത്യേ​ക ഒാ​ഫി​സ്​ തു​റ​ക്കും. പൊ​ലീ​സ്​ പ​രി​ശോ​ധ​ന​യി​ൽ പി​ടി​യി​ലാ​കു​ന്ന​വ​രു​ടെ ഫ​യ​ൽ പ​രി​ശോ​ധി​ക്കു​ക​യും താ​മ​സ​നി​യ​മ​ലം​ഘ​നം അ​ല്ലാ​ത്ത കു​റ്റ​കൃ​ത്യ​ങ്ങ​ൾ ഇ​ല്ലെ​ങ്കി​ൽ വേ​ഗ​ത്തി​ൽ സ്വ​ന്തം നാ​ട്ടി​ലേ​ക്ക്​ അ​യ​ക്കു​ക​യും ചെ​യ്യാ​നാ​ണ്​ പ്ര​ത്യേ​ക ​ഒാ​ഫി​സ്​ തു​റ​ക്കു​ന്ന​ത്. നാ​ടു​ക​ട​ത്ത​ൽ കേ​ന്ദ്ര​ത്തി​ൽ അ​ന്തേ​വാ​സി​ക​ളു​ടെ എ​ണ്ണം കു​റ​ക്കാ​നാ​ണി​ത്. ക​ഴി​ഞ്ഞ​യാ​ഴ്​​ച ആ​ഭ്യ​ന്ത​ര​മ​ന്ത്രി ശൈ​ഖ്​ താ​മി​ർ അ​ൽ അ​ലി അ​സ്സ​ബാ​ഹ്​ നാ​ടു​ക​ട​ത്ത​ൽ കേ​ന്ദ്രം സ​ന്ദ​ർ​ശി​ച്ചി​രു​ന്നു. ന​ട​പ​ടി​ക​ൾ വേ​ഗ​ത്തി​ലാ​ക്കാ​ൻ മ​ന്ത്രി നി​ർ​ദേ​ശം ന​ൽ​കി. വി​മാ​ന​ത്താ​വ​ള​ത്തി​ൽ നാ​ടു​ക​ട​ത്ത​ൽ സെ​ൽ രൂ​പ​വ​ത്​​ക​രി​ക്കു​ന്ന​തും ആ​ലോ​ച​ന​യി​ലു​ണ്ട്. സ്വ​ന്തം നാ​ട്ടി​ൽ പോ​കാ​ൻ ആ​ഗ്ര​ഹി​ക്കു​ന്ന താ​മ​സ​നി​യ​മ​ലം​ഘ​ക​ർ​ക്ക്​ വി​മാ​ന​ത്താ​വ​ള​ത്തി​ലെ സെ​ല്ലി​ൽ എ​ത്തി ന​ട​പ​ടി​ക​ൾ പൂ​ർ​ത്തി​യാ​ക്കി പോ​കാ​ൻ അ​വ​സ​ര​മൊ​രു​ക്കു​ന്ന​തി​നാ​ണി​ത്.

ക​ഴി​ഞ്ഞ മാ​സം ശ​ക്ത​മാ​യി ആ​രം​ഭി​ച്ച സു​ര​ക്ഷ​പ​രി​ശോ​ധ​ന അ​തേ ആ​വേ​ശ​ത്തി​ൽ മു​ന്നോ​ട്ടു​കൊ​ണ്ടു​പോ​കാ​ൻ ത​ട​സ്സം ജ​യി​ലു​ക​ളി​ൽ സ്ഥ​ലം ഇ​ല്ലാ​ത്ത​താ​ണ്. ര​ണ്ടാ​ഴ്​​ച​ക്കി​ടെ ആ​യി​ര​ത്തോ​ളം പേ​ർ പി​ടി​യി​ലാ​യി. കോ​വി​ഡ്കാ​ല യാ​ത്രാ​നി​യ​ന്ത്ര​ണ​ങ്ങ​ൾ കാ​ര​ണം വി​മാ​ന സ​ർ​വി​സ്​ സാ​ധാ​ര​ണ നി​ല​യി​ലാ​കാ​ത്ത​തി​നാ​ൽ ത​ട​വു​കാ​രെ സ്വ​ന്തം നാ​ടു​ക​ളി​ലേ​ക്ക്​ തി​രി​ച്ച​യ​ക്കു​ന്ന പ്ര​ക്രി​യ മ​ന്ദ​ഗ​തി​യി​ലാ​ണ്. നേ​ര​േ​ത്ത പി​ടി​ക്ക​പ്പെ​ട്ട​വ​രും സെ​ൻ​ട്ര​ൽ ജ​യി​ലി​ൽ​നി​ന്ന്​ ശി​ക്ഷ കാ​ലാ​വ​ധി പൂ​ർ​ത്തി​യാ​ക്കി എ​ത്തി​ച്ച​വ​രും എ​ല്ലാ​മാ​യി നാ​ടു​ക​ട​ത്ത​ൽ കേ​ന്ദ്ര​ത്തി​ൽ ആ​ള​ധി​ക​മാ​ണെ​ന്ന്​ സു​ര​ക്ഷ വൃ​ത്ത​ങ്ങ​ൾ സൂ​ചി​പ്പി​ച്ചു. കോ​വി​ഡ്​ പ്ര​തി​സ​ന്ധി തീ​​ർ​ന്ന്​ വി​മാ​ന സ​ർ​വി​സ്​ സാ​ധാ​ര​ണ നി​ല​യി​ലാ​യാ​ൽ നാ​ടു​ക​ട​ത്ത​ൽ കേ​ന്ദ്ര​ത്തി​ൽ ക​ഴി​യു​ന്ന​വ​രെ വേ​ഗ​ത്തി​ൽ സ്വ​ന്തം നാ​ടു​ക​ളി​ലേ​ക്ക്​ അ​യ​ക്കും. 1,80,000​ത്തി​ലേ​റെ അ​ന​ധി​കൃ​ത താ​മ​സ​ക്കാ​ർ രാ​ജ്യ​ത്തു​ണ്ട്. ഭാ​ഗി​ക പൊ​തു​മാ​പ്പ്​ കാ​ലം ക​ഴി​ഞ്ഞാ​ൽ വ്യാ​പ​ക പ​രി​ശോ​ധ​ന ന​ട​ത്തി ഇ​വ​രെ പി​ടി​കൂ​ടി തി​രി​ച്ചു​വ​രാ​ൻ ക​ഴി​യാ​ത്ത​വി​ധം സ്വ​ന്തം നാ​ടു​ക​ളി​ലേ​ക്ക്​ ക​യ​റ്റി അ​യ​ക്ക​ണ​മെ​ന്നു​ത​ന്നെ​യാ​ണ്​ അ​ധി​കൃ​ത​രു​ടെ തീ​രു​മാ​നം. എ​ന്നാ​ൽ, തു​ട​ർ​ച്ച​യാ​യി പ​രി​ശോ​ധ​ന ന​ട​ത്തി കൂ​ടു​ത​ൽ പേ​രെ പി​ടി​കൂ​ടി​യാ​ൽ ത​ൽ​ക്കാ​ല​ത്തേ​ക്ക്​ പാ​ർ​പ്പി​ക്കാ​ൻ വേ​ണ്ട​ത്ര സൗ​ക​ര്യ​മി​ല്ല.