സ്വദേശി കർഷകർക്ക് സബ്സിഡി നിരക്കിൽ നൽകുന്ന കാലിത്തീറ്റ കരിഞ്ചന്തയിൽ വിൽപനക്ക് വെച്ചിരിക്കുന്നു
കുവൈത്ത് സിറ്റി: സ്വദേശി കർഷകർക്ക് സബ്സിഡി നിരക്കിൽ നൽകുന്ന കാലിത്തീറ്റ കരിഞ്ചന്തയിൽ വിൽക്കുന്നത് പിടികൂടി.
1255 ചാക്ക് കാലിത്തീറ്റയാണ് കാർഷിക മത്സ്യവിഭവ അതോറിറ്റി ഉദ്യോഗസ്ഥർ നടത്തിയ പരിശോധനയിൽ പിടികൂടിയത്. അതോറിറ്റി മേധാവി ശൈഖ് മുഹമ്മദ് അൽ യൂസുഫ് പരിശോധനക്ക് നേതൃത്വം നൽകി.
ആഭ്യന്തര മന്ത്രാലയത്തിെൻറ സഹകരണത്തോടെ വരും ദിവസങ്ങളിലും പരിശോധന നടത്തുമെന്ന് അദ്ദേഹം മുന്നറിയിപ്പ് നൽകി. വെബ്സൈറ്റ് വഴിയും സമൂഹ മാധ്യമങ്ങൾ വഴിയും പരസ്യം ചെയ്ത് കരിഞ്ചന്തയിൽ സാധനങ്ങൾ വിൽക്കുന്നതായി അധികൃതരുടെ ശ്രദ്ധയിൽപെട്ടിട്ടുണ്ട്.
സബ്സിഡി ഉൽപന്നങ്ങൾ മറിച്ചുവിറ്റവർക്കെതിരെ പ്രോസിക്യൂഷൻ നടപടി സ്വീകരിക്കുമെന്നും ഇവർക്കുള്ള കാർഷിക സഹായം നിർത്തിവെക്കുമെന്നും അധികൃതർ വ്യക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.