വിദേശകാര്യ മന്ത്രി അബ്ദുല്ല അൽ യഹ്‌യ ചൈനീസ് അംബാസഡർ ഷാങ് ജിയാൻവെയുമായി കൂടിക്കാഴ്ചയിൽ
കുവൈത്ത് സിറ്റി: കുവൈത്തും ചൈനയും തമ്മിലുള്ള ദൃഢമായ ഉഭയകക്ഷി ബന്ധത്തെക്കുറിച്ചും വിവിധ മേഖലകളിൽ തന്ത്രപരമായ പങ്കാളിത്തം വികസിപ്പിക്കുന്നതും വിശദീകരിച്ച് ചൈനീസ് പ്രസിഡന്‍റ് ഷി ജിൻപിങ്, അമീർ ശൈഖ് മിശ്അൽ അൽ അഹമ്മദ് അൽ ജാബിർ അസ്സബാഹിന് കത്തയച്ചു. പൊതുതാൽപര്യമുള്ള മറ്റു വിഷയങ്ങളും അന്താരാഷ്ട്ര, പ്രാദേശിക സംഭവവികാസങ്ങളും കത്തിൽ ഉൾപ്പെടുന്നതായി വിദേശകാര്യ മന്ത്രാലയം പ്രസ്താവനയിൽ വ്യക്തമാക്കി.
കുവൈത്തിലെ രാജ്യത്തെ ചൈനീസ് അംബാസഡർ ഷാങ് ജിയാൻവെയുമായി നടത്തിയ കൂടിക്കാഴ്ചക്കിടെ വിദേശകാര്യ മന്ത്രി അബ്ദുല്ല അൽ യഹ്‌യ കത്ത് ഏറ്റുവാങ്ങി. കുവൈത്തിലെ യു.എസ് അംബാസഡർ കാരെൻ സസഹാരയുമായും വിദേശകാര്യ മന്ത്രി അബ്ദുല്ല അൽ യഹ്‌യ കൂടിക്കാഴ്ച നടത്തി. ഉഭയകക്ഷി ബന്ധങ്ങളും അവ വികസിപ്പിക്കാനുള്ള വഴികളും ഇരു രാജ്യങ്ങളും തമ്മിലുള്ള തന്ത്രപരമായ സഹകരണവും ഇരുവരും അവലോകനം ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.