കുവൈത്ത് സിറ്റി: വൈക്കം മുഹമ്മദ് ബഷീറിന്റെ ‘ബാല്യകാല സഖി’ക്ക് കുവൈത്ത് പ്രവാസിയും നാടക-ഷോർട് ഫിലിം പ്രവർത്തകനുമായ ഷമേജ് കുമാർ ഒരുക്കിയ പുനരാവിഷ്കരണം ‘ചോന്ന മാങ്ങ’യുടെ പ്രദർശനം ഇന്ന്. അഹമ്മദി ഡി.പി.എസ് സ്കൂളിൽ വൈകീട്ട് അഞ്ചിനാണ് പ്രദർശനം.
വൈക്കം മുഹമ്മദ് ബഷീറിന്റെ കഥകൾ വായിച്ച് ആവേശം കൊണ്ട് അദ്ദേഹത്തിന്റെ വീട് കാണാൻ വരന്ന ഒരാളുടെ കഥയാണ് ‘ചോന്ന മാങ്ങ’. സാന്ദർഭികമായി അയാൾ തന്നെ നോവലിലെ കഥാപാത്രമായി മാറുന്നു. മാമുക്കോയ അവസാനം അഭിനയിച്ച സിനിമയാണിത്.
ഷഹബാസ് അമനാണ് ‘ചോന്ന മാങ്ങ’ എന്ന പാട്ട് ഈണം കൊടുത്തു പാടിയത്. ബഷീറിന്റെ മകൻ അനീസ് ബഷീർ ആണ് വരികൾ എഴുതിയത്. ശങ്കർ ദാസ് ആണ് കാമറാമാൻ. ചിത്രത്തിന്റെ അണിയറ പ്രവർത്തകർ പങ്കെടുക്കുന്ന പ്രദർശനത്തിന് ശേഷം പൊതുചർച്ചയും ഉണ്ടാകും. അറബ് ഓപൺ യൂനിവേഴ്സിറ്റി ഇംഗ്ലീഷ് വിഭാഗം മേധാവി പ്രഫ. അബോൾ ഫാസൽസിം കേസ് ചോന്ന മാങ്ങയെ കുറിച്ച് ചടങ്ങിൽ സംസാരിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.