കുവൈത്ത് സിറ്റി: തിരുപ്പിറവിയുടെ ഓർമപുതുക്കി കുവൈത്തിലെ ക്രൈസ്തവ വിശ്വാസികൾ ഞായറാഴ്ച ക്രിസ്മസ് ആഘോഷിക്കുന്നു. പള്ളികളും ക്രൈസ്തവ ഭവനങ്ങളും ക്രിസ്മസിനെ വരവേൽക്കാനായി ഒരുങ്ങിക്കഴിഞ്ഞു. പുൽക്കൂടും നക്ഷത്രങ്ങളും ക്രിസ്മസ് ട്രീയും ഒരുക്കി ക്രൈസ്തവ ദേവാലയങ്ങൾ ദിവസങ്ങൾക്കുമുമ്പേ ആഘോഷത്തിന് ഒരുങ്ങിയിരുന്നു.
ശനിയാഴ്ച രാത്രി കുവൈത്തിലെ പ്രധാന ക്രൈസ്തവ ദേവാലയങ്ങളായ അഹമ്മദിയിലെ ഔര് ലേഡി ഓഫ് അറേബ്യ ദേവാലയം, കുവൈത്ത് സിറ്റിയിലെ ഹോളി ഫാമിലി കോ-കത്തീഡ്രൽ പാരിഷ് പള്ളി എന്നിവിടങ്ങളിൽ ഉദ്ബോധനവും പാതിരാ കുർബാനയും കുരുത്തോല ശ്രുശ്രൂഷയും നടന്നു. പുലർച്ചവരെ നീണ്ട പാതിരാ കുർബാനയിൽ കുവൈത്തിലെ ക്രൈസ്തവ വിശ്വാസി സമൂഹങ്ങളിൽ ഭൂരിഭാഗവും പങ്കെടുത്തു.
വിവിധ മലയാളി ഇടവകകളുടെ നേതൃത്വത്തിൽ വിവിധ പരിപാടികൾ ക്രിസ്മസിനെ വരവേൽക്കുന്നതിനായി ഒരുക്കിയിട്ടുണ്ട്. കരോൾ ഗാനാലാപനം, പുൽക്കൂട് ഒരുക്കൽ, ക്രിസ്മസ് ട്രീ അലങ്കരിക്കൽ തുടങ്ങിയ മത്സരങ്ങൾ നടന്നുവരുന്നു.
ക്രിസ്മസ് പുതുവത്സര ശുശ്രൂഷകൾക്കും ആഘോഷങ്ങൾക്കും കാർമികത്വം വഹിക്കാൻ നാട്ടിൽ നിന്ന് ആത്മീയ നേതാക്കളും കുവൈത്തിൽ എത്തിച്ചേർന്നിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.