കുവൈത്തിലെത്തിയ കേന്ദ്ര പെട്രോളിയം മന്ത്രി ധർമേന്ദ്ര പ്രധാനെ ഇന്ത്യൻ അംബാസഡർ സിബി ജോർജ്, കുവൈത്ത് എണ്ണ മന്ത്രി ഡോ. ഖാലിദ് അൽ ഫാദിൽ തുടങ്ങിയവരുടെ നേതൃത്വത്തിൽ വിമാനത്താവളത്തിൽ സ്വീകരിക്കുന്നു
കുവൈത്ത് സിറ്റി: കേന്ദ്ര പെട്രോളിയം മന്ത്രി ധർമേന്ദ്ര പ്രധാൻ കുവൈത്തിലെത്തി. കുവൈത്ത് അമീർ ശൈഖ് സബാഹ് അൽ അഹ്മദ് അൽ ജാബിർ അസ്സബാഹിെൻറ നിര്യാണത്തിൽ അനുശോചനം രേഖപ്പെടുത്താനും പുതിയ അമീർ ശൈഖ് നവാഫ് അൽ അഹ്മദ് അൽ ജാബിർ അസ്സബാഹിനു കിരീടാവകാശി ശൈഖ് മിശ്അൽ അൽ അഹ്മദ് അൽ ജാബിർ അസ്സബാഹിനും അഭിനന്ദനം അറിയിക്കാനുമാണ് അദ്ദേഹം വന്നത്.
ഞായറാഴ്ച വൈകീട്ട് കുവൈത്തിലെത്തിയ മന്ത്രിയെ ഇന്ത്യൻ അംബാസഡർ സിബി ജോർജ്, കുവൈത്ത് എണ്ണ മന്ത്രി ഡോ. ഖാലിദ് അൽ ഫാദിൽ തുടങ്ങിയവരുടെ നേതൃത്വത്തിൽ സ്വീകരിച്ചു. തിങ്കളാഴ്ച കുവൈത്ത് അമീർ ശൈഖ് നവാഫ് അൽ അഹ്മദ് അൽ ജാബിർ അസ്സബാഹ്, കിരീടാവകാശി ശൈഖ് മിശ്അൽ അൽ അഹ്മദ് അൽ ജാബിർ അസ്സബാഹ് തുടങ്ങിയവരുമായി കൂടിക്കാഴ്ച നടത്തും.
ഇന്ത്യൻ പ്രസിഡൻറ് രാംനാഥ് കോവിന്ദ്, പ്രധാനമന്ത്രി നരേന്ദ മോദി എന്നിവരുടെ കത്ത് മന്ത്രി ധർമേന്ദ്ര പ്രധാൻ കുവൈത്ത് ഭരണനേതൃത്വത്തിന് കൈമാറും. ഇന്ത്യയും കുവൈത്തും തമ്മിലുള്ള ചരിത്രപരമായ ബന്ധം ഉൗഷ്മളമാക്കുകയാണ് ലക്ഷ്യമെന്ന് മന്ത്രി ട്വിറ്ററിൽ കുറിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.