കുവൈത്ത് സിറ്റി: ചട്ടങ്ങൾ ലംഘിച്ച് സഥാപിച്ച 84 തെരഞ്ഞെടുപ്പ് പരസ്യങ്ങൾ കുവൈത്ത് മുനിസിപ്പാലിറ്റിയിലെ പബ്ലിക് റിലേഷൻസ് ഡിപ്പാർട്മെൻറ് നീക്കം ചെയ്തു. ലൈസൻസില്ലാതെ സ്ഥാപിച്ചതും മണ്ഡലത്തിന് പുറത്തു സ്ഥാപിച്ചതുമായ പരസ്യങ്ങളാണ് നീക്കം ചെയ്തതെന്ന് അൽ ജരിദ പത്രം റിപ്പോർട്ട് ചെയ്തു. ജഹ്‌റ ഗവർണറേറ്റിലെ മുനിസിപ്പാലിറ്റി ബ്രാഞ്ചിലെ ഓഡിറ്റ് ആൻഡ് സർവിസസ് ഫോളോഅപ്പ് ഡിപ്പാർട്മെന്റിലെ സംഘമാണ് പരിശോധന നടത്തിയത്. അനധികൃതവും ക്രമരഹിതവുമായ പരസ്യങ്ങൾ നീക്കം ചെയ്യുന്നതിനായി സൂപ്പർവൈസറി ടീമുകൾ പരിശോധന തുടരുമെന്ന് മുനിസിപ്പാലിറ്റി അറിയിച്ചു. എപ്രിൽ നാലിനാണ് ദേശീയ അസംബ്ലി തെരഞ്ഞെടുപ്പ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.