കുവൈത്ത് സിറ്റി: കുവൈത്ത് കേരള ഇസ്ലാഹി സെൻററിെൻറ ആഭിമുഖ്യത്തിൽ ഇഫ്താർ സംഗമം സംഘടിപ്പിച്ചു. ഖൈതാൻ മസ്‌ജിദ് അൽഫജ്ജിയിൽ നടന്ന സംഗമത്തിൽ ഇഹ്‌യാഉത്തുറാസുൽ ഇസ്‌ലാമി ഖൈതാൻ ലജ്ന ചെയർമാൻ ശൈഖ് ജാസിം അബ്ദുറഹ്മാൻ അൽഹജ്ജി മുഖ്യാതിഥിയായി. പുണ്യങ്ങളിൽ മുന്നേറാനും ഇസ്ലാം വിഭാവന ചെയ്യുന്ന നന്മയുടെ പ്രകാശം സമൂഹത്തിന് കൈമാറാനും റമദാനിലെ കർമങ്ങൾ വഴിവെക്കണമെന്ന് അദ്ദേഹം പറഞ്ഞു. സഫ്വാൻ ബറാമി (ജാമിഅ അൽഹിന്ദ്), അശ്കർ സലാഹി, അബ്ദുസ്സലാം സലാഹി, ഔഖാഫിലെ ജാലിയാത്ത് വിഭാഗം പ്രതിനിധി മുഹമ്മദ് അലി എന്നിവർ പ്രഭാഷണം നടത്തി. സാദിഖ് അലി (എം.ഇ.എസ്), അഫ്സൽ (സിജി), അസ്ലം (കെ.എം.സി.സി), മുനീർ (കെ.കെ.എം.എ) തുടങ്ങിയവർ സംബന്ധിച്ചു. സംഘാടക സമിതി ചെയർമാൻ പി.എൻ. അബ്ദുല്ലത്തീഫ് മദനി അധ്യക്ഷത വഹിച്ചു. ജനറൽ കൺവീനർ സുനാഷ് ശുകൂർ സ്വാഗതവും കൺവീനർ എൻ.കെ. അബ്ദുസ്സലാം നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.