ഹു​പ്പു ചി​ത്ര​മാ​യി വി​രി​ഞ്ഞു; കു​വൈ​ത്ത്-​ബ്രി​ട്ടീ​ഷ് ബ​ന്ധം

കു​വൈ​ത്ത് സി​റ്റി: കു​വൈ​ത്തും ബ്രി​ട്ട​നും ത​മ്മി​ലു​ള്ള 125 വ​ർ​ഷ​ത്തെ ബ​ന്ധം ഇ​നി മു​ബാ​റ​ക്കി​യ സൂ​ഖി​ൽ മ​നോ​ഹ​ര​ചി​ത്ര​മാ​യി കാ​ണാം. ബ്രി​ട്ടീ​ഷ് ചി​ത്ര​കാ​രി മേ​ഗ​ൻ റ​സ്സ​ലും കു​വൈ​ത്ത് ചി​ത്ര​കാ​ര​ൻ യൂ​സു​ഫ് സാ​ലി​ഹു​മാ​ണ് ച​രി​ത്ര​പ്രാ​ധാ​ന്യ​മു​ള്ള സൂ​ഖി​ൽ ചി​ത്രം തീ​ർ​ത്ത​ത്.

ത​ല​യി​ൽ കി​രീ​ടം പോ​ലെ​യു​ള്ള തൂ​വ​ലു​ക​ൾ ഉ​ള്ള ഹു​പ്പു പ​ക്ഷി​യു​ടെ ചി​ത്ര​മാ​ണ് ഇ​രു​വ​രും മ​നോ​ഹ​ര​മാ​യി പൂ​ർ​ത്തീ​ക​രി​ച്ച​ത്. അ​റ​ബി​ക് അ​ക്ഷ​ര​ങ്ങ​ളു​​ടെ പ​ശ്ചാ​ത്ത​ല​ത്തി​ൽ പൂ​ക്ക​ൾ​ക്ക് ന​ടു​വി​ൽ ത​ല​ഉ​ർ​ത്തി നി​ൽ​ക്കു​ന്ന രൂ​പ​ത്തി​ലാ​ണ് സൃ​ഷ്ടി. കു​വൈ​ത്തി​ൽ ദേ​ശാ​ട​ന​ക്കാ​ല​ത്തി​ന്റെ തു​ട​ക്ക​ത്തി​ൽ ത​ന്നെ എ​ത്തു​ന്ന പ​ക്ഷി​ക​ളി​ൽ ഒ​ന്നാ​ണ് ഹു​പ്പു.

മ​നു​ഷ്യ​കു​ല​വു​മാ​യി ബ​ന്ധ​പ്പെ​ട്ട പ​ല പു​രാ​ണ​ങ്ങ​ളി​ലും സാ​ഹി​ത്യ സൃ​ഷ്ടി​ക​ളി​ലും ഇ​ടം പി​ടി​ച്ചി​ട്ടു​ള്ള പ​ക്ഷി​യു​മാ​ണ് ഹു​പ്പു. പു​രാ​ത​ന ഈ​ജി​പ്തി​ൽ ഇ​വ​യെ ദി​വ്യ​മാ​യ പ​ക്ഷി​യാ​യാണ് ക​ണ്ടി​രു​ന്ന​ത്. ഖു​ർ​ആ​ൻ, ബൈ​ബി​ൾ എ​ന്നി​വ​യി​ലും ഹു​പ്പു​ക​ളെ പ്ര​തി​പാ​ദി​ച്ചു കാ​ണാം.

കു​​വൈ​ത്തി​ലെ ബ്രി​ട്ടീ​ഷ് എം​ബ​സി​യു​ടെ സ​ഹ​ക​ര​ണ​ത്തോ​ടെ നാ​ഷ​ന​ൽ കൗ​ൺ​സി​ൽ ഫോ​ർ ക​ൾ​ച്ച​ർ ആ​ർ​ട്സ് ആ​ൻ​ഡ് ലി​റ്റ​റേ​ച്ച​റാ​ണ് (എ​ൻ.​സി.​സി.​എ.​എ​ൽ) ച​ട​ങ്ങ് സം​ഘ​ടി​പ്പി​ച്ച​ത്.

ക​ലാ​കാ​ര​ന്മാ​രു​ടെ സാം​സ്കാ​രി​ക​വും ക​ലാ​പ​ര​വു​മാ​യ മി​ക​വു​ക​ൾ ഉ​യ​ർ​ത്തു​ക​യും പു​തു​മ​ക​ളി​ലേ​ക്ക് വെ​ളി​ച്ചം വീ​ശു​ക​യു​മാ​ണ് ഇ​തു​വ​ഴി ല​ക്ഷ്യ​മെ​ന്ന് എ​ൻ.​സി.​സി.​എ.​എ​ൽ ദേ​ശീ​യ പ്രോ​ജ​ക്ട് മേ​ധാ​വി അ​ബ്ദു​ല്ല യാ​സീ​ൻ പ​റ​ഞ്ഞു. ആ​സ്‌​ട്രേ​ലി​യ എം​ബ​സി​യു​ടെ സ​ഹ​ക​ര​ണ​ത്തോ​ടെ സൂ​ഖ് അ​ൽ മു​ബാ​റ​ക്കി​യ​യി​ൽ ര​ണ്ടാ​മ​ത്തെ ചു​വ​ർ​ചി​ത്രം വൈ​കാ​തെ പൂ​ർ​ത്തീ​ക​രി​ക്കു​മെ​ന്നും അ​ദ്ദേ​ഹം പ​റ​ഞ്ഞു.