കുവൈത്ത് സിറ്റി: ചൈനയിലെ മക്കാവുവിൽ നടന്ന ജൂനിയർ ഏഷ്യൻ കപ്പ് 2024 ജൂഡോ ചാമ്പ്യൻഷിപ്പിൽ കുവൈത്ത് ദേശീയ ജൂഡോ ടീം വെള്ളി മെഡലും വെങ്കല മെഡലും നേടി.
73 കിലോഗ്രാമിൽ താഴെയുള്ള വിഭാഗത്തിൽ ഫഹദ് അൽ ഇനാസി വെള്ളി മെഡൽ നേടി. 90 കിലോഗ്രാമിൽ താഴെയുള്ള വിഭാഗത്തിൽ ഷെഹാബ് അൽ സൽമാൻ വെങ്കല മെഡൽ നേടി. വരുന്ന ചാമ്പ്യൻഷിപ്പുകൾക്കുള്ള പ്രചോദനമാണ് ഈ വിജയമെന്ന് കുവൈത്ത് ജൂഡോ ഫെഡറേഷന്റേയും കുവൈത്ത് പ്രതിനിധി സംഘത്തിന്റേയും തലവനായ യൂസഫ് അൽ എനേസി പറഞ്ഞു.സിയോളിൽ നടക്കുന്ന ഏഷ്യൻ ജൂനിയർ ചാമ്പ്യൻഷിപ്പിന് മുന്നോടിയായി പരിശീലന ക്യാമ്പ് ആരംഭിക്കുന്നതിനായി ടീം ദക്ഷിണ കൊറിയയിലേക്ക് പോകുമെന്നും അദ്ദേഹം കൂട്ടിച്ചേർത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.