സക്കീർ ഹുസൈൻ തുവ്വൂരിന് കെ.ഐ.ജിയുടെ ഉപഹാരം പ്രസിഡന്റ് പി.ടി. ശരീഫ് കൈമാറുന്നു
കുവൈത്ത് സിറ്റി: കുവൈത്ത് പ്രവാസ ജീവിതം മതിയാക്കി നാട്ടിലേക്ക് പോകുന്ന കെ.ഐ.ജി മുൻ പ്രസിഡന്റ് സക്കീർ ഹുസൈൻ തുവ്വൂരിന് കെ.ഐ.ജി കേന്ദ്ര കമ്മിറ്റി യാത്രയയപ്പ് നൽകി. റൗദ ജംഇയ്യതുൽ ഇസ്‌ലാഹ് ഓഡിറ്റോറിയത്തിൽ നടന്ന കെ.ഐ.ജി അഖില കുവൈത്ത് പ്രവർത്തക സമ്മേളനത്തിനിടെയായിരുന്നു യാത്രയയപ്പ്. പ്രസിഡന്റ് പി.ടി. ശരീഫ് അധ്യക്ഷത വഹിച്ചു.
ജനറൽ സെക്രട്ടറി ഫിറോസ് ഹമീദ് സ്വാഗതം പറഞ്ഞു. ഫൈസൽ മഞ്ചേരി, പി.കെ. മനാഫ്, അൻവർ സഈദ്, കെ.എ. അബ്ദുൽ ജലീൽ, റഫീഖ് ബാബു, റിഷ്‌ദിൻ അമീർ, നൗഫൽ, അറഫാത്ത്, അബ്ദുൽ വാഹിദ്, മുനീർ മഠത്തിൽ, ഹഷീബ്, ലായിക്ക് അഹ്‌മദ്‌, മെഹബൂബ അനീസ് എന്നിവർ ആശംസകൾ അർപ്പിച്ച് സംസാരിച്ചു. സക്കീർ ഹുസൈൻ തുവ്വൂരിനുള്ള ഉപഹാരം ശരീഫ് പി.ടി, അൻവർ സഈദ് എന്നിവർ കൈമാറി. സക്കീർ ഹുസൈൻ തുവ്വൂർ മറുപടി പ്രസംഗം നടത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.