കുവൈത്ത് സിറ്റി: വിമാന സർവിസുകളിൽ സമയനിഷ്ഠ പാലിക്കുന്നതിൽ ശ്രദ്ധേയ പുരോഗതി ക ൈവരിച്ചതായി കുവൈത്ത് എയർവേസ് അവകാശപ്പെട്ടു.
സമയനിഷ്ഠയിൽ അപാകതയുള്ള ലോ കത്തിലെ 10 വിമാന സർവിസുകളില്‍ കുവൈത്ത് എയര്‍വേസിനെ ഉള്‍പ്പെടുത്തിയ ബ്ലുംബര്‍ഗിെൻറ റിപ്പോർട്ടിനെ തള്ളിയാണ് കുവൈത്ത് എയർവേസ് അധികൃതർ അവകാശവാദം ഉന്നയിച്ചത്.
ഏറ്റവും കുറഞ്ഞ സമയകൃത്യത പാലിക്കുന്ന കൂട്ടത്തില്‍ തങ്ങളെ ഉള്‍പ്പെടുത്തിയപ്പോള്‍ തന്നെ ഇത് വാസ്തവ വിരുദ്ധമാണെന്ന് ഉറപ്പിച്ചിരുന്നുവെന്ന് കുവൈത്ത് എയര്‍വേസ് വൃത്തങ്ങള്‍ അറിയിച്ചു. 2019 ആദ്യവാരത്തില്‍ തങ്ങള്‍ നടത്തിയ യാത്രകള്‍ നോക്കുമ്പോള്‍ സമയകൃത്യതയില്‍ അഭിമാനകരമായ നേട്ടം നേടിയിട്ടുണ്ട്. ഒരുവർഷം കൊണ്ട് 24 ശതമാനം പുരോഗതി കൈവരിച്ചു.
പുരോഗതിയുടെ കാര്യത്തിൽ ഒന്നാംസ്ഥാനത്തിന് അർഹതയുണ്ട്. നിര്‍വഹണ വിഭാഗത്തിെൻറയും കുവൈത്തിനകത്തും പുറത്തുമുള്ള ജീവനക്കാരുടെയും ആത്മാർഥമായ പ്രവര്‍ത്തനങ്ങളാണ് ഇത്തരത്തിലുള്ള നേട്ടം കൈവരിക്കുന്നതിന് കാരണമായതെന്ന് എയര്‍വേസ് അധികൃതർ വാർത്താകുറിപ്പില്‍ അറിയിച്ചു. 65 വര്‍ഷം തികയുന്ന ഈ വേളയില്‍ ഉപഭോക്താക്കൾക്ക് നൽകുന്ന സേവനത്തിെൻറ എല്ലാ മേഖലകളിലും പുരോഗതി യാഥാർഥ്യമാക്കാന്‍ കുവൈത്ത് എയര്‍വേസ് മുന്നോട്ടുവരുമെന്നും ബന്ധപ്പെട്ടവർ കൂട്ടിച്ചേര്‍ത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.