കുവൈത്ത് മഹാ ഇടവക ആദ്യഫലപ്പെരുന്നാൾ കൂപ്പൺ പ്രകാശനം ഫാ. ബിജു ജോർജ് പാറയ്ക്കൽ, സഹവികാരി ഫാ. ലിജു കെ. പൊന്നച്ചൻ എന്നിവർ ചേർന്ന് നിർവഹിക്കുന്നു
കുവൈത്ത് സിറ്റി: സെന്റ്‌ ഗ്രിഗോറിയോസ്‌ ഇന്ത്യൻ ഓർത്തഡോക്സ്‌ മഹാ ഇടവകയുടെ 2023ലെ ആദ്യഫലപ്പെരുന്നാളിനോടനുബന്ധിച്ച റാഫിൾ കൂപ്പണിന്റെ പ്രകാശനവും ആദ്യ വില്പനയും നടന്നു.
ഇടവകയുടെ വിവിധ ആരാധന കേന്ദ്രങ്ങളായ സിറ്റി നാഷനൽ ഇവാഞ്ചലിക്കൽ ചർച്ച്, അബ്ബാസിയ സെന്റ്‌ ബസേലിയോസ്‌ ചാപ്പൽ, സാൽമിയ സെന്റ്‌ മേരീസ്‌ ചാപ്പൽ എന്നിവിടങ്ങളിൽ വിശുദ്ധ കുർബാനക്കുശേഷം കൂപ്പൺ പ്രകാശനം നടത്തി.
കൂപ്പൺ കൺവീനർ ഷാജി ജോർജിൽനിന്ന് ഏറ്റുവാങ്ങി മഹാ ഇടവക വികാരി ഫാ. ബിജു ജോർജ് പാറയ്ക്കൽ, സഹവികാരി ഫാ. ലിജു കെ. പൊന്നച്ചൻ എന്നിവർ ചേർന്ന് പ്രകാശനം ചെയ്തു. ഹാർവെസ്റ്റ്‌ ജനറൽ കൺവീനർ ജോൺ പി. ജോസഫ്‌, ജോ. ജനറൽ കൺവീനർ ജേക്കബ്‌ തോമസ്‌ വല്ലേലിൽ എന്നിവർക്ക്‌ കൈമാറി.
മഹാ ഇടവക ആക്ടിങ് ട്രസ്റ്റി തോമസ്‌ ചാക്കോ, ഇടവക സെക്രട്ടറി ജിജു പി. സൈമൺ, മലങ്കര സഭ മാനേജിങ് കമ്മിറ്റിയംഗം തോമസ്‌ കുരുവിള, റിസപ്ഷൻ കൺവീനർ ഉമ്മൻ വി. കുര്യൻ എന്നിവർ സംബന്ധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.