കുവൈത്ത് ഫിഗർ സ്കേറ്റിങ് ടീം
കുവൈത്ത് സിറ്റി: അൽഐനിൽ നടക്കുന്ന യു.എ.ഇ ഇന്റർനാഷനൽ ഫിഗർ സ്കേറ്റിങ് ചാമ്പ്യൻഷിപ്പിൽ കുവൈത്ത് ടീം പങ്കെടുക്കും.
മൂന്നു ദിവസം നീണ്ടുനിൽക്കുന്ന ചാമ്പ്യൻഷിപ്പിന് വ്യാഴാഴ്ച തുടക്കമാകും. അറബ്, വിദേശ രാജ്യങ്ങളിൽനിന്നുള്ള 267 വനിത താരങ്ങൾ ചാമ്പ്യൻഷിപ്പിൽ പങ്കെടുക്കും. ഹെസ്സ അൽ സറാവി, സാറാ അൽ ലഹൗ, ദലാൽ അൽ ബാദർ, ലിയ അൽ ഖബന്ദി, ലാറ അൽ ബറാക്, സമ ജുരാഗ്, ജൂറി അൽ മുല്ല, ലൈല അൽ ഫാർസി, ദന അൽ മുത്‌ലാഖ് എന്നിവർ കുവൈത്ത് ടീമിൽ ഉൾപ്പെടുന്നു.
താരങ്ങളുടെ പ്രകടനനിലവാരം ഉയർത്താൻ ഈ ടൂർണമെന്റ് സഹായിക്കുമെന്ന് കുവൈത്ത് വിന്റർ സ്‌പോർട്‌സ് ക്ലബ് ചെയർമാൻ ഫഹദ് അൽ അജ്മി പറഞ്ഞു. കുവൈത്ത് ടീം വ്യാഴാഴ്ച യു.എ.ഇയിൽ എത്തും. ചാമ്പ്യൻഷിപ് ടീം പൂർണമായും തയാറാണെന്നും മതിയായ പരിശീലനം പൂർത്തിയാക്കിയിട്ടുണ്ടെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.