കുവൈത്ത് സിറ്റി: മലയാളികളുടെ ആഗോള ആഘോഷമായ ഓണത്തെ മികച്ച ഓഫറുകളും വ്യത്യസ്തമായ പരിപാടികളും കൊണ്ട് വരവേൽക്കാനൊരുങ്ങി ലുലു ഹൈപ്പർമാർക്കറ്റ്. ഓണത്തോടനുബന്ധിച്ച് കുവൈത്തിലെ ലുലു ഹൈപ്പർമാർക്കറ്റിന്റെ എല്ലാ ഔട്ട്‍ലെറ്റുകളിലും ഓഫറുകളും പ്രത്യേക പരിപാടികളും നടക്കും. ലുലു അൽ റായ്, ദജീജ്, ഫഹാഹീൽ ഔട്ട്‌ലെറ്റുകൾ കേന്ദ്രീകരിച്ച് പ്രത്യേക പരിപാടികളും ഒരുക്കും.
ഓണവിഭവങ്ങൾ തയാറാക്കാൻ ആവശ്യമായ എല്ലാ ഇനങ്ങളും ഉൾക്കൊള്ളുന്ന ഓണച്ചന്ത എല്ലാ ഔട്ട്‍ലെറ്റുകളിലും ആരംഭിച്ചു. വൈവിധ്യമാർന്ന ഇന്ത്യൻ പച്ചക്കറികൾ അവിശ്വസനീയമായ വിലക്കുറവിൽ ഇവിടെ ലഭ്യമാണ്. തനത് കേരളീയ രുചിയിൽ 22ലധികം വിഭവങ്ങൾ ഉൾക്കൊള്ളുന്ന ഓണസദ്യയും ലുലുവിന്റെ പ്രത്യേകതയാണ്. ആഗസ്റ്റ് 28വരെ ഓണസദ്യ മുൻകൂട്ടി ഓർഡർ ചെയ്യാം. 15ലേറെ പായസങ്ങൾ ഉൾക്കൊള്ളുന്ന പായസമേളയും ഓണക്കാലത്ത് ലുലുവിൽ ഉപഭോക്താക്കൾക്കായി കാത്തിരിപ്പുണ്ട്.
ഓണം ആഘോഷത്തിന് ഉടുത്തൊരുങ്ങാൻ പരമ്പരാഗത വസ്ത്രങ്ങളും പ്രത്യേക ഡിസ്‌കൗണ്ടുകളിൽ ലഭ്യമാണ്. സാരി, ചുരിദാറുകൾ എന്നിവക്ക് ഓരോ 10 ദീനാർ ചെലവഴിക്കുമ്പോഴും അഞ്ച് ദീനാറിന്റെ സമ്മാന വൗച്ചർ ലഭിക്കും. അൽറായ് ഔട്ട്‌ലെറ്റിൽ ഈ മാസം 25ന് വടംവലി, 26ന് പൂക്കളമത്സരം എന്നിവ നടക്കും. ചെണ്ടമേളം, പുലികളി, മറ്റു കലാപരിപാടികൾ എന്നിവയും 26ന് അൽറായ് ഔട്ട്‌ലെറ്റിൽ ഒരുക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.