കെ.ഐ.ജി സാൽമിയ ഏരിയ ചർച്ചാസംഗമത്തിൽ ടി.പി. മുഹമ്മദ്‌ ഷെമീം സംസാരിക്കുന്നു
കുവൈത്ത് സിറ്റി: കെ.ഐ.ജി കുവൈത്ത് ‘പ്രവാചകൻ വിശ്വ വിമോചകൻ’ എന്ന തലക്കെട്ടിൽ നടത്തി വരുന്ന കാമ്പയിനോടനുബന്ധിച്ച് സാൽമിയ ഏരിയ ചർച്ചാസംഗമം സംഘടിപ്പിച്ചു. സാൽമിയ സെൻട്രൽ ഹാളിൽ നടന്ന പരിപാടിയിൽ ഏരിയ വൈസ് പ്രസിഡന്റ് അമീർ കാരണത്ത് അധ്യക്ഷത വഹിച്ചു. മുഹമ്മദ്‌ യാസീൻ നിസാർ ഖിറാഅത്ത് നടത്തി. പ്രഭാഷകനും, ചിന്തകനും എഴുത്തുകാരനുമായ ടി.പി. മുഹമ്മദ്‌ ഷെമീം മുഖ്യ പ്രഭാഷണം നിർവഹിച്ചു. സദസ്സ്യരുടെ ചോദ്യങ്ങൾക്കും അദ്ദേഹം മറുപടി നൽകി.
കെ.ഐ.ജി കുവൈത്ത് കേന്ദ്ര പ്രസിഡന്റ് പി.ടി. ശെരീഫ്, കേന്ദ്ര ജനറൽ സെക്രട്ടറി ഫിറോസ് ഹമീദ്, സാൽമിയ ഏരിയ പ്രസിഡന്റ് റിഷ്ദിൻ അമീർ എന്നിവർ പങ്കെടുത്തു. കേന്ദ്ര വൈസ് പ്രസിഡന്റ് ഫൈസൽ മഞ്ചേരി കാമ്പയിൻ വിശദീകരണം നടത്തി. ഏരിയ സെക്രട്ടറി നിസാർ കെ. റഷീദ് സ്വാഗതവും കാമ്പയിൻ കേന്ദ്ര കൺവീനറും കെ.ഐ.ജി കേന്ദ്ര കൂടിയാലോചന സമിതിയംഗവുമായ സക്കീർ ഹുസൈൻ തുവ്വൂർ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.