കുവൈത്ത് സിറ്റി: വാണിജ്യ നിയമങ്ങൾ പാലിക്കാത്ത സ്ഥാപനങ്ങൾക്കെതിരെ വാണിജ്യ മന്ത്രാലയം നടപടി. നിയന്ത്രണങ്ങൾ ലംഘിച്ച അഹമ്മദി ഗവർണറേറ്റിലെ മൂന്ന് വാണിജ്യ സ്റ്റോറുകളാണ് അധികൃതർ അടച്ചുപൂട്ടിയത്. പരിശോധന കാമ്പയിനിനിടെ നിയമലംഘനങ്ങൾ ശ്രദ്ധയിൽപ്പെട്ടതിനെ തുടർന്നാണ് നടപടി. സ്റ്റോറുകളിൽ മറ്റു ബ്രാൻഡുകളുടെ പേരിലുള്ള വ്യാജ ബാഗുകളും ഷൂകളും വിൽക്കുന്നതായി കണ്ടെത്തി. ഒരു വർക്ക് ഷോപ്പിൽ ഉപയോഗിച്ച ടയറുകൾ വിൽക്കുന്നതും കണ്ടെത്തി. ചട്ടങ്ങൾ ലംഘിച്ചതായി കണ്ടെത്തിയ മറ്റ് നിരവധി വാണിജ്യ സ്ഥാപനങ്ങൾക്ക് പിഴയും ചുമത്തി. വിപണി നിയന്ത്രണങ്ങൾ നടപ്പിലാക്കുന്നതിനും ഉപഭോക്തൃ താൽപര്യങ്ങൾ സംരക്ഷിക്കുന്നതിനുമായി വാണിജ്യ മന്ത്രാലയം നടത്തിവരുന്ന ശ്രമങ്ങളുടെ ഭാഗമായാണ് പരിശോധ നടത്തിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.