കെ.ഐ.സി ‘വി വൺ അസംബ്ലി’ പ്രതിനിധികൾ പ്രതിജ്ഞ ചൊല്ലുന്നു
കുവൈത്ത് സിറ്റി: ഗാന്ധിജയന്തി ദിനത്തോടനുബന്ധിച്ച് കുവൈത്ത് കേരള ഇസ്‌ലാമിക് കൗൺസിലിന്റെ (കെ.ഐ.സി) നേതൃത്വത്തിൽ ‘വി വൺ അസംബ്ലി’ സംഘടിപ്പിച്ചു. ‘രാഷ്ട്രശിൽപികൾ സ്വപ്‌നം കണ്ട ഇന്ത്യയുടെ വീണ്ടെടുപ്പിന്’ ശീർഷകത്തിൽ എസ്.കെ.എസ്.എസ്.എഫ് സംസ്ഥാന കമ്മിറ്റി സംഘടിപ്പിക്കുന്ന പരിപാടിയോട് ആഭിമുഖ്യം പ്രകടിപ്പിച്ച് നടത്തിയ പരിപാടി ഹവല്ലി ശബാബ് അൽമുബാറക് ഓഡിറ്റോറിയത്തിൽ എസ്.കെ.എസ്.എസ്.എഫ് സംസ്ഥാന ട്രഷറർ ഫഖ്‌റുദ്ദീൻ ഹസനി തങ്ങൾ ഉദ്ഘാടനം ചെയ്തു.
ജനാധിപത്യ ഇന്ത്യയുടെ വീണ്ടെടുപ്പിനും വർഗീയതയും വിദ്വേഷരാഷ്ട്രീയവും തുടച്ചുനീക്കുന്നതിനും മതേതര പാർട്ടികളുടെ ഐക്യവും സഹകരണവും അത്യന്താപേക്ഷിതമാണെന്ന് ഫഖ്‌റുദ്ദീൻ ഹസനി തങ്ങൾ പറഞ്ഞു.
കെ.ഐ.സി പ്രസിഡന്റ് അബ്ദുൽ ഗഫൂർ ഫൈസി പൊന്മള അധ്യക്ഷത വഹിച്ചു. ചെയർമാൻ ശംസുദ്ദീൻ ഫൈസി എടയാറ്റൂർ സംസാരിച്ചു. വിദ്യാഭ്യാസ വിങ് സെക്രട്ടറി ശിഹാബ് മാസ്റ്റർ നീലഗിരി പ്രതിജ്ഞ ചൊല്ലിക്കൊടുത്തു. കെ.ഐ.സി നേതാക്കൾ, വിഖായ ലീഡേഴ്‌സ്, വിവിധ മേഖല നേതാക്കൾ എന്നിവർ സംബന്ധിച്ചു. ജനറൽ സെക്രട്ടറി സൈനുൽ ആബിദ് ഫൈസി സ്വാഗതവും ട്രഷറർ ഇ.എസ്. അബ്ദുറഹ്മാൻ ഹാജി നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.