നി​യ​മ ലം​ഘ​നം: നാ​ലു വ​ർ​ഷ​ത്തി​നി​ടെ നാ​ടു​ക​ട​ത്തി​യ​ത് 1,30,000 പ്ര​വാ​സി​ക​ളെ

കു​വൈ​ത്ത് സി​റ്റി: വി​വി​ധ നി​യ​മ ലം​ഘ​ന​ങ്ങ​ളെ തു​ട​ർ​ന്ന് ക​ഴി​ഞ്ഞ നാ​ല് വ​ർ​ഷ​ത്തി​നി​ടെ രാ​ജ്യ​ത്തു​നി​ന്ന് നാ​ടു​ക​ട​ത്തി​യ​ത് ഏ​ക​ദേ​ശം ഒ​രു ല​ക്ഷ​ത്തി മു​പ്പ​തി​നാ​യി​രം പ്ര​വാ​സി​ക​ളെ. നാ​ടു​ക​ട​ത്ത​ൽ ചു​മ​ത​ല​യു​ള്ള ജ​യി​ല്‍ വ​കു​പ്പ് ഡ​യ​റ​ക്ട​ർ ബ്രി​ഗേ​ഡി​യ​ർ ജാ​സിം അ​ൽ മി​സ്ബാ​ഹാ​ണ് ഇ​ക്കാ​ര്യം വ്യ​ക്ത​മാ​ക്കി​യ​ത്.

ജി​ലീ​ബി​ലെ പ​ഴ​യ നാ​ടു​ക​ട​ത്ത​ൽ കേ​ന്ദ്രം സ​ന്ദ​ര്‍ശി​ക്കു​ക​യാ​യി​രു​ന്നു അ​ദ്ദേ​ഹം. നി​ല​വി​ല്‍ ജ​യി​ലി​ല്‍ ക​ഴി​യു​ന്ന​വ​രെ പു​തു​താ​യി നി​ർ​മി​ച്ച ത​ട​വ് കെ​ട്ടി​ട​ത്തി​ലേ​ക്ക് ഘ​ട്ടം ഘ​ട്ട​മാ​യി മാ​റ്റും. ആ​യി​ര​ത്തി​ലേ​റെ ത​ട​വു​കാ​രെ പു​തി​യ ജ​യി​ല്‍ സ​മു​ച്ച​യ​ത്തി​ല്‍ താ​മ​സി​പ്പി​ക്കാം.

ആ​ദ്യ ഘ​ട്ട​മാ​യി പു​രു​ഷ​ന്മാ​രാ​യ ത​ട​വു​കാ​രെ​യും പി​ന്നീ​ട് മ​റ്റു​ള്ള​വ​രെ​യും മാ​റ്റിപ്പാ​ര്‍പ്പി​ക്കും. ത​ട​വു​കാ​ർ​ക്ക് ത​ങ്ങ​ളു​ടെ എം​ബ​സി പ്ര​തി​നി​ധി​ക​ളു​മാ​യി കൂ​ടി​ക്കാ​ഴ്ച ന​ട​ത്താ​നു​ള്ള സൗ​ക​ര്യം ഒ​രു​ക്കും. ത​ട​വു​കാ​ര്‍ക്ക് കു​ടും​ബാം​ഗ​ങ്ങ​ളു​മാ​യി സം​സാ​രി​ക്കാ​നു​ള്ള സൗ​ക​ര്യം ല​ഭ്യ​മാ​ക്കു​മെ​ന്നും അ​ദ്ദേ​ഹം പ​റ​ഞ്ഞു.

നാ​ടു​ക​ട​ത്തു​ന്ന​വ​ർ​ക്കാ​യി വി​മാ​ന​ത്താ​വ​ള​ത്തി​ൽ ന​ട​പ​ടി​ക്ര​മ​ങ്ങ​ൾ​ക്കാ​യി പ്ര​ത്യേ​ക ക്ര​മീ​ക​ര​ണ​ങ്ങ​ളും ഗേ​റ്റും സ്ഥാ​പി​ച്ചി​ട്ടു​ണ്ടെ​ന്നും അ​ദ്ദേ​ഹം പ​റ​ഞ്ഞു.