ലോക ഐസ് ഹോക്കി ചാമ്പ്യൻഷിപ്പിൽനിന്ന്
കുവൈത്ത് സിറ്റി: ലോക ഐസ് ഹോക്കി ചാമ്പ്യൻഷിപ്പിന് കുവൈത്തിൽ തുടക്കം. ഉദ്ഘാടന മത്സരത്തിൽ കുവൈത്ത് ടീം മലേഷ്യയെ 15-1ന് തകർത്തു. തുടക്കം മുതൽ വ്യക്തമായ മേധാവിത്തം പുലർത്തിയ കുവൈത്ത് ആദ്യ സെറ്റിൽ അഞ്ച് ഗോളുകളും രണ്ടാമത്തേതിൽ ആറ് ഗോളുകളും ഫൈനലിൽ നാല് ഗോളുകളും നേടി. മറ്റൊരു മത്സരത്തിൽ മംഗോളിയ 9-3ന് ഇന്തോനേഷ്യയെ പരാജയപ്പെടുത്തി.
കുവൈത്ത് വിന്‍റർ ഗെയിംസ് ക്ലബ് ആതിഥേയത്വം വഹിക്കുന്ന ചാമ്പ്യൻഷിപ് ഈ മാസം 19വരെ തുടരും. വിന്‍റർ ഗെയിംസ് ക്ലബിന്‍റെ ബയാൻ ഏരിയയിലെ ഐസ് സ്കേറ്റിങ് സ്റ്റേഡിയത്തിലാണ് മത്സരങ്ങൾ. ദേശീയ അസംബ്ലി കാര്യ സഹമന്ത്രിയും യുവജനകാര്യ സഹമന്ത്രിയും കമ്മ്യൂണിക്കേഷൻസ് കാര്യ സഹമന്ത്രിയുമായ ദാവൂദ് മറാഫി ഉദ്ഘാടനം ചെയ്യും. പങ്കെടുക്കുന്ന ടീമുകൾക്ക് അദ്ദേഹം വിജയാശംസകൾ നേർന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.