മസ്കത്ത്: കോവിഡ് ബാധിച്ച് ചികിത്സയിലിരുന്ന ആറു പേർകൂടി ഒമാനിൽ മരിച്ചു. ഇതോടെ ആകെ മരിച്ചവരുടെ എണ്ണം 603 ആയി. 188 പേർക്കാണ് പുതുതായി രോഗം സ്ഥിരീകരിച്ചത്. ഇതോടെ മൊത്തം രോഗികളുടെ എണ്ണം 83,606 ആയി. 211 പേർക്ക് രോഗം ഭേദമായി. 78,188 പേരാണ് ഇതുവരെ രോഗമുക്തരായത്. 36 പേരെ കൂടി ആശുപത്രിയിൽ പ്രവേശിപ്പിച്ചു. 436 പേരാണ് ആശുപത്രികളിൽ ചികിത്സയിലുള്ളത്. 158 പേർ തീവ്രപരിചരണ വിഭാഗത്തിലാണ്. മസ്കത്ത് ഗവർണറേറ്റിൽ 68 പേർക്കാണ് പുതുതായി വൈറസ് ബാധ സ്ഥിരീകരിച്ചത്.
ഇതിൽ 25 പേരും സീബ് വിലായത്തിലാണ്. മസ്കത്തിൽ 15 പേർക്കും അമിറാത്തിൽ 10 പേർക്കും മത്രയിൽ എട്ടു പേർക്കും ബോഷറിൽ ആറു പേർക്കും രോഗം സ്ഥിരീകരിച്ചിട്ടുണ്ട്. വടക്കൻ ബാത്തിനയിൽ കോവിഡ് സ്ഥിരീകരിച്ച 30 പേരിൽ 12 പേരും സുഹാറിലാണ്. സുവൈധിൽ എട്ടും ഷിനാസിലും ഖാബൂറയിലും നാലുവീതം രോഗികളുമുണ്ട്. തെക്കൻ ബാത്തിന-28, വടക്കൻ ശർഖിയ-15, തെക്കൻ ശർഖിയ-12, ദോഫാർ-11, ദാഖിലിയ-11, ദാഹിറ-അഞ്ച്, മുസന്ദം-അഞ്ച്, ബുറൈമി- മൂന്ന് എന്നിങ്ങനെയാണ് മറ്റ് ഗവർണറേറ്റുകളിലെ പുതിയ രോഗികളുടെ എണ്ണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.