ഒ.ഐ.സി.സി സലാലയിൽ സംഘടിപ്പിച്ച രക്തദാന ക്യാമ്പ്
സലാല: ഓവർസീസ് ഇന്ത്യൻ കൾചറൽ കോൺഗ്രസ്‌ സലാല (ഒ.ഐ.സി.സി) സുൽത്താൻ ഖാബൂസ് ആശുപത്രിയുമായി സഹകരിച്ച് രക്തദാന ക്യാമ്പ് സംഘടിപ്പിച്ചു.
ഖാബൂസ് ആശുപത്രിയിൽ നടന്ന ക്യാമ്പ് ഇന്ത്യൻ സോഷ്യൽ ക്ലബ് പ്രസിഡൻറ് രാകേഷ് കുമാർ ഝാ ഉദ്ഘാടനം ചെയ്തു. ഒ.ഐ.സി.സി ആക്ടിങ് പ്രസിഡൻറ് ഡോ. നിഷ്താർ അധ്യക്ഷത വഹിച്ചു. ആക്ടിങ് ജനറൽ സെക്രട്ടറി ഹരികുമാർ ചേർത്തല സ്വാഗതവും വനിതവിഭാഗം സെക്രട്ടറി ദീപ ബെന്നി നന്ദിയും പറഞ്ഞു.
കോവിഡ് പ്രോട്ടോകോൾ പ്രകാരം നടന്ന ക്യാമ്പിൽ വനിതകൾ ഉൾപ്പെടെ നിരവധിപേർ രക്തം നൽകി. ശ്യാം മോഹൻ, ജിജി കാസിം, രാഹുൽ, അനീഷ്, വിജയ്, റിസാൻ മാസ്റ്റർ, നസീബ് തുടങ്ങിയവർ സംബന്ധിച്ചു. രോഗികൾക്ക് സൗജന്യ വാഹനസൗകര്യം ഏർപ്പെടുത്തുകയും അത്യാവശ്യമരുന്നുകൾ സൗജന്യമായി എത്തിച്ചുകൊടുക്കുകയും സൗജന്യ ഭക്ഷണക്കിറ്റുകൾ വിതരണം ചെയ്തതായും ഭാരവാഹികൾ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.