മസ്കത്ത്: ഒമാനിലെ പ്രശസ്ത ആരോഗ്യ ശൃംഖലയായ അൽസലാമ ഗ്രൂപ് ഡയറക്ടർ സിദ്ദീഖ് മങ്കടക്ക് ഡോക്ടറേറ്റ്. ഹോസ്പിറ്റൽ അഡ്മിനിസ്ട്രേഷനിൽ ഗ്ലോബൽ ഹ്യൂമൻ പീസ് യൂനിവേഴ്സിറ്റിയിൽ നിന്നാണ് ഡോക്ടറേറ്റ് നേടിയത്. 20 വർഷത്തോളമായി ഒമാനിലെ ആതുരസേവന രംഗത്ത് പ്രവർത്തിക്കുന്ന അദ്ദേഹം ജയ്പൂർ നാഷനൽ യൂനിവേഴ്സിറ്റിയിൽ നിന്ന് എം.ബി.എയും നാഷനൽ ഇൻസ്റ്റിറ്റ്യൂട്ട് ഓഫ് ബിസിനസ് മാനേജ്മെന്റിൽ നിന്ന് മാർക്കറ്റിങ് മാനേജ്മെന്റിൽ മറ്റൊരു എം.ബി.എയും കരസ്ഥമാക്കിയിട്ടുണ്ട്.
സീബ് ഇന്ത്യൻ സ്കൂളിന്റെ എച്ച്.എസ്.ഇ ചെയർപേഴ്സൺ കൂടിയാണ് സിദ്ദീഖ് മങ്കട. 2023ൽ സുൽത്താനേറ്റിന്റെ ഗോൾഡൻ വിസക്ക് അർഹനായ അദ്ദേഹം നിരവധി സാമൂഹിക, സാംസ്കാരിക പ്രവർത്തനങ്ങളിൽ സജീവ സാന്നിധ്യവുമാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.