മസ്കത്ത്: കേരളത്തിലെയും ഇന്ത്യയിലെയും വിവിധ കെട്ടിടനിർമാണ പദ്ധതികളെ ഒരു കുടക്കീഴിൽ ഒരുക്കുന്ന ‘ഗൃഹ പ്രവേശ്’ പ്രോപ്പർട്ടി പ്രദർശനത്തിന് അൽ ഫലാജ് ഹോട്ടലിൽ തുടക്കമായി. ഇന്ത്യ പ്രോപ്പർട്ടി.കോം പ്രതിനിധി ശ്രീനിവാസ വർമ ഉദ്ഘാടനം ചെയ്തു. കേരളത്തിൽനിന്നുള്ള പത്ത് ബിൽഡർമാരാണ് പ്രദർശനത്തിൽ പെങ്കടുക്കുന്നത്. ആദ്യ ദിനത്തിൽ നിരവധി പേർ പദ്ധതികളെ കുറിച്ച അന്വേഷണങ്ങളുമായി എത്തിയതായി ഇവർ പറഞ്ഞു. കോർഡിയൽ ബിൽഡേഴ്സ്, ജോസ് ആലുക്കാസ്, ആർക്കോൺ ബിൽഡേഴ്സ്, ആർക്കോൺ ഇൻറലാൻറ്സ്, സൺ പ്രോജക്ട്സ്, ഒലീവ് ബിൽഡേഴ്സ്, ഹോളിഫെയ്ത്ത് ബിൽഡേഴ്സ് എന്നിവരാണ് കേരളത്തിൽനിന്ന് പെങ്കടുക്കുന്നത്.
വീടുവാങ്ങുന്നതിനുള്ള ബാങ്ക്വായ്പയുടെ നടപടിക്രമങ്ങളറിയാൻ എച്ച്.ഡി.എഫ്.സി സ്റ്റാളിലും നിരവധി പേർ എത്തി. സാലറി ലെറ്റർ, ബാങ്ക് സ്റ്റേറ്റ്മെൻറ് തുടങ്ങിയ രേഖകൾ ഹാജരാക്കിയാൽ വായ്പ അനുവദിക്കുകയും ചെയ്യും. ഇന്ത്യയിലെ വിവിധ നഗരങ്ങളിലുള്ള 250ഒാളം പദ്ധതികളെ കുറിച്ച വിവരങ്ങൾ പ്രദർശനത്തിൽ ലഭ്യമാകുമെന്ന് സംഘാടകർ അറിയിച്ചു. സന്ദർശകർക്കായി സമ്മാന പദ്ധതിയും ഏർപ്പെടുത്തിയിട്ടുണ്ട്. നറുക്കെടുപ്പിൽ തെരഞ്ഞെടുക്കപ്പെടുന്നവർക്ക് ജെറ്റ് എയർവേസ് ടിക്കറ്റുകളാണ് സമ്മാനമായി ലഭിക്കുക.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.