പു​തി​യ വാ​ഹ​ന​ത്തി​ന്​ ത​ക​രാ​ർ; ഡീ​ല​ർ ഉ​പ​ഭോ​ക്താ​വി​ന് 33,914 റി​യാ​ൽ തി​രി​ച്ചു ​ന​ൽ​കി

മ​സ്ക​ത്ത്​: പു​തി​യ വാ​ഹ​ന​ത്തി​ൽ ത​ക​രാ​ർ ക​ണ്ടെ​ത്തി​യ​തി​നെ തു​ട​ർ​ന്ന്​ പ്രാ​ദേ​ശി​ക ഡീ​ല​റി​ൽ​നി​ന്ന് 33,914 റി​യാ​ലും തി​രി​ച്ചു​വാ​ങ്ങാ​ൻ ഉ​പ​ഭോ​ക്താ​വി​നെ സ​ഹാ​യി​ച്ച് മ​സ്ക​ത്തി​ലെ​ ഉ​പ​ഭോ​ക്​​തൃ സം​ര​ക്ഷ​ണ അ​തോ​റി​റ്റി (സി.​പി.​എ). ഉ​പ​ഭോ​ക്​​താ​വ്​ പു​തി​യ വാ​ഹ​നം പ്രാ​ദേ​ശി​ക ഡീ​ല​റി​ൽ​നി​ന്നും വാ​ങ്ങി​യി​രു​ന്നു. ഉ​ട​ൻ​ത​ന്നെ ചി​ല സാ​​ങ്കേ​തി​ക പ്ര​ശ്ന​ങ്ങ​ൾ ക​ണ്ടെ​ത്തി. ഡീ​ല​റു​മാ​യി സം​സാ​രി​ച്ചി​ട്ടും പ​രി​ഹ​രി​ക്കാ​ൻ ത​യാ​റാ​യി​ല്ല. തു​ട​ർ​ന്നാ​ണ്​ ഉ​പ​ഭോ​ക്​​താ​വ്​ സി.​പി.​എ​യെ സ​മീ​പി​ക്കു​ന്ന​ത്.

പ​രാ​തി ല​ഭി​ച്ച​യു​ട​ൻ, സി‌.​പി‌.​എ​യു​ടെ പ​രാ​തി വ​കു​പ്പ് ഉ​ട​ൻ​ത​ന്നെ ഡീ​ല​റു​മാ​യി ബ​ന്ധ​പ്പെ​ടു​ക​യും പ​രി​ശോ​ധ​ന​ക​ളി​ലൂ​ടെ വാ​ഹ​ന​ത്തി​ന്റെ ത​ക​രാ​റു​ക​ൾ സ്ഥി​രീ​ക​രി​ക്കു​ക​യും ചെ​യ്തു. ഇ​ത്ത​രം പ്ര​ശ്ന​ങ്ങ​ൾ പു​തി​യ വാ​ഹ​ന​ത്തി​ൽ ക​ണ്ടു​വ​രാ​റു​ള്ള​ത​ല്ലെ​ന്നും മ​ന​സ്സി​ലാ​ക്കി. തു​ട​ർ​ന്ന്​ ന​ട​ത്തി​യ ച​ർ​ച്ച​യി​ലാ​ണ്​ മു​ഴു​വ​ൻ തു​ക​യും തി​രി​ച്ചു​ന​ൽ​കാ​ൻ ഡീ​ല​ർ സ​മ്മ​തി​ച്ച​ത്. രാ​ജ​കീ​യ ഉ​ത്ത​ര​വ്​ 66/2014ൽ ​വി​വ​രി​ച്ചി​ട്ടു​ള്ള ഉ​പ​ഭോ​ക്തൃ സം​ര​ക്ഷ​ണ നി​യ​മ​ത്തി​ന്റെ ആ​ർ​ട്ടി​ക്കി​ൾ 16ന് ​അ​നു​സൃ​ത​മാ​യാ​ണ്​ ഉ​പ​ഭോ​ക്​​താ​വി​ന്​ തു​ക തി​രി​ച്ചു​കി​ട്ടി​യ​ത്.

ഇ​ത​നു​സ​രി​ച്ച്​ ഒ​രു ഉ​ൽ​പ​ന്നം വാ​ങ്ങി 15 ദി​വ​സ​ത്തി​നു​ള്ളി​ൽ (ന​ശി​ച്ചു​പോ​കു​ന്ന ഇ​ന​ങ്ങ​ൾ ഒ​ഴി​കെ) കേ​ടു​വ​രു​ക​യോ സ്റ്റാ​ൻ​ഡേ​ർ​ഡ് സ്പെ​സി​ഫി​ക്കേ​ഷ​നു​ക​ൾ പാ​ലി​ക്ക​ാ​ത്ത​തോ, അ​ല്ലെ​ങ്കി​ൽ ഉ​പ​യോ​ഗ​ത്തി​ന് അ​നു​യോ​ജ്യ​മ​ല്ലാ​ത്ത​തോ ആ​ണെ​ങ്കി​ൽ ഉ​പ​ഭോ​ക്താ​വി​ന് മാ​റ്റി​ന​ൽ​കു​ക​യോ പൂ​ർ​ണ​മാ​യി റീ​ഫ​ണ്ട് ചെ​യ്യാ​നോ അ​വ​കാ​ശ​മു​ണ്ട്. ഇ​തി​നാ​യി ഉ​പ​ഭോ​ക്താ​വ് ഉ​ൽ​പ​ന്നം വാ​ങ്ങി​യ​തി​ന്റെ തെ​ളി​വ് ന​ൽ​ക​ണം. അ​തേ​സ​മ​യം, ദു​രൂ​പ​യോ​ഗം​മൂ​ലം ആ​ക​രു​ത്​ കേ​ടു​പാ​ടു​ക​ൾ വ​രു​ന്ന​ത്. വാ​ഹ​ന​ങ്ങ​ൾ സു​ര​ക്ഷി​ത​മാ​ണെ​ന്ന് ഉ​റ​പ്പു​വ​രു​ത്ത​ണ​മെ​ന്നും വി​ൽ​ക്കു​ന്ന​തി​ന് മു​മ്പ് സ​മ​ഗ്ര​മാ​യ സാ​ങ്കേ​തി​ക പ​രി​ശോ​ധ​ന​ക്ക് വി​ധേ​യ​മാ​ക്ക​ണ​മെ​ന്നും സി.​പി.​എ ആ​വ​ശ്യ​പ്പെ​ട്ടു.