ഇ വിഷൻ ക്രിക്കറ്റ് ലീഗ് മത്സരത്തിൽ വിജയിച്ച അൽമുത്തല ഗോൾഡൻ സിടി ടീം
മസ്കത്ത്: ഗാല ഒ.എ.സി -3 ക്രിക്കറ്റ് ഗ്രൗണ്ടിൽ നടന്ന ഇ വിഷൻ ക്രിക്കറ്റ് ലീഗ് മത്സരത്തിൽ അൽമുത്തല ഗോൾഡൻ സി.ടിക്ക് ജയം. വൈ ഹൊറിസോണെ നാല് വിക്കറ്റിനാണ് പരാജയപ്പെടുത്തിയത്. ആദ്യം ബാറ്റ് ചെയ്ത വൈ ഹൊറിസോൺ ജതിൻ പട്ടേൽ (47), നരേഷ് സുധാകർ (51*) എന്നിവരുടെ മികവിൽ 20 ഓവറിൽ 154 റൺസാണെടുത്തത്. അൽമുത്തലക്ക് വേണ്ടി സജിത്, അരവിന്ദൻ എന്നിവർ രണ്ടു വീതം വിക്കറ്റെടുത്തു.
മറുപടി ബാറ്റിങ്ങിനിറങ്ങിയ അൽമുത്തല ഗോൾഡൻ സിടി 16.4 ഓവറിൽ ആറ് വിക്കറ്റ് നഷ്ടത്തിൽ വിജയം കാണുകയായിരുന്നു.
മധു (അരുൺ-45*), റുവാൻ രൂപ സിങ് (35*), ജീസൺ ജേക്കബ് (34) എന്നിവരുടെ ബാറ്റിങ് മികവാണ് അൽമുത്തലക്ക് വിജയം എളുപ്പമാക്കിയത്.
വൈ ഹൊറിസോണിന് വേണ്ടി സഞ്ജയ് മക്ക്വാന 27 റൺസ് വഴങ്ങി രണ്ട് വിക്കറ്റെടുത്തു. അഞ്ച് കളിയിൽ നാല്വിജയവുമായി ഗ്രൂപ്പിൽ മുന്നിലാണ് അൽമുത്തല ഗോൾഡൻ സിടി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.