റമദാൻ ക്വിസ് മത്സരത്തിലെ വിജയി മൻസൂർ അബ്ദുൽ വഹാബിന് മെഗാ സമ്മാനം കൈമാറുന്നു
മസ്കത്ത്: 'ഗൾഫ് മാധ്യമം' പ്രമുഖ ഭക്ഷ്യോൽപന്ന കമ്പനിയായ നൂർ ഗസലുമായി ചേർന്ന് ഒമാനിലെ വായനക്കാർക്ക് സംഘടിപ്പിച്ച റമദാൻ ക്വിസ് മത്സരത്തിലെ മെഗാ സമ്മാന വിജയി മൻസൂർ അബ്ദുൽ വഹാബിന് മെഗാ സമ്മാനമായി സാംസങ്ങിെൻറ 40 ഇഞ്ച് ടെലിവിഷൻ നൽകി.
സംസം റസ്റ്റാറൻറിൽ നടന്ന ചടങ്ങിൽ ഗസൽ ഫുഡ്സ് എക്സി. ഡയറക്ടർ ഹസ്ലിൻ സലിം, 'ഗൾഫ് മാധ്യമം' ഒമാൻ റസിഡൻറ്സ് മാനേജർ ഷക്കീൽ ഹസൻ, ഗസൽ ഫുഡ്സ് സെയിൽസ് മാനേജർ അസീം, 'ഗൾഫ് മാധ്യമം' മാർക്കറ്റിങ് മാനേജർ ഷൈജു സലാഹുദ്ദീൻ, അക്കൗണ്ട്സ് എക്സിക്യൂട്ടീവ് ഷംസുദ്ദീൻ എന്നിവർ പങ്കെടുത്തു.
റമദാൻ ഒന്നു മുതൽ അവസാനം വരെ 'ഗൾഫ് മാധ്യമം' പത്രം, മാധ്യമം വെബ് സൈറ്റ്, സമൂഹമാധ്യമ പേജുകളിൽ ദിനേന ഒരു ചോദ്യം വീതം പ്രസിദ്ധീകരിച്ചിരുന്നു. മത്സരത്തിൽ പങ്കെടുത്തവരിൽ ശരിയുത്തരം അയച്ചവരിൽനിന്ന് ദിനേന ഓരോ വിജയികളെയാണ് തിരഞ്ഞെടുത്തത്. 30 വിജയികൾക്ക് നൂർ ഗസലിെൻറ ഗിഫ്റ്റ് ഹാമ്പർ സമ്മാനമായി നൽകി. വിജയികളിൽനിന്ന് തിരഞ്ഞെടുത്തയാൾക്കാണ് മെഗാ സമ്മാനം.
റമദാൻ ക്വിസ് മത്സരത്തിന് വളരെ മികച്ച പ്രതികരണമാണ് ലഭിച്ചതെന്ന് ഗസൽ ഫുഡ്സ് മാനേജ്‌മെൻറ് പ്രതിനിധികൾ പറഞ്ഞു. റൂവിയിൽ ഗ്രാഫിക് ഡിസൈനിങ് സ്ഥാപനം നടത്തുകയാണ് വിജയിയായ മൻസൂർ അബ്ദുൽ വഹാബ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.