മസ്കത്ത്: മസ്കത്തിലെ ഇന്ത്യന്‍ സോഷ്യല്‍ ക്ലബ് ഒമാൻ കേരള വിഭാഗം സംഘടിപ്പിക്കുന്ന യുവജനോത്സവ മത്സരങ്ങളുടെ ഭാഗമായുള്ള സാഹിത്യമത്സരങ്ങള്‍ നവംബർ 10ന് നടക്കുമെന്ന് സംഘാടകര്‍ അറിയിച്ചു.
ചിത്രരചന, പെയിന്റിങ് മത്സരങ്ങള്‍ രാവിലെയും ലേഖനം, കഥാരചന, കവിതാരചന തുടങ്ങിയവ (മലയാളത്തിലും ഇംഗ്ലീഷിലും) അന്നേ ദിവസം ഉച്ചക്കുശേഷവുമായിരിക്കും നടക്കുക. ദാർസൈത്തിലെ ഇന്ത്യൻ സോഷ്യൽ ക്ലബിൽ നടക്കുന്ന ചിത്ര രചന, പെയിന്റിങ്, സാഹിത്യമത്സരങ്ങൾ എന്നിവയിൽ പങ്കെടുക്കാൻ ആഗ്രഹിക്കുന്നവർക്ക് മത്സരങ്ങൾ നടക്കുമ്പോൾ തത്സമയം പേര് നൽകാവുന്നതാണ്. കൂടുതല്‍ വിവരങ്ങള്‍ക്ക് 97881264, 98962424 എന്നീ മൊബൈല്‍ നമ്പറുകളില്‍ ബന്ധപ്പെടാം.
യുവജനോത്സവമത്സരങ്ങളിലെ കലാമത്സരങ്ങൾ നവംബർ 24 മുതൽ ദാർസൈത്തിലെ ഇന്ത്യൻ സോഷ്യൽ ക്ലബ് ഹാളിൽ നടക്കുമെന്ന് സംഘാടകർ അറിയിച്ചു. ഒമാന്റെ വിവിധ ഭാഗങ്ങളില്‍നിന്നായി കുട്ടികളും മുതിര്‍ന്നവരും ഉള്‍പ്പെടെ എണ്ണൂറിലേറെ പേര് വിവിധ ഇനങ്ങളിൽ മത്സരിക്കുന്നുണ്ട്. രചനാമത്സരങ്ങളിലും മികച്ച പങ്കാളിത്തം പ്രതീക്ഷിക്കുന്നതായി സംഘാടകർ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.