ദേ​ശീ​യ​ദി​നാ​ഘോ​ഷം: വാ​ഹ​ന​ങ്ങ​ൾ അ​ല​ങ്ക​രി​ക്കാ​ൻ അ​നു​മ​തി

മ​സ്ക​ത്ത്​: രാ​ജ്യ​ത്തി​ന്‍റെ 54ാം ദേ​ശീ​യ​ദി​നാ​ഘോ​ഷ​ങ്ങ​ളു​ടെ ഭാ​ഗ​മാ​യി വാ​ഹ​ന​ങ്ങ​ള്‍ അ​ല​ങ്ക​രി​ക്കാ​ന്‍ റോ​യ​ല്‍ ഒ​മാ​ന്‍ പൊ​ലീ​സ് അ​നു​മ​തി ന​ല്‍കി. പൊ​ലീ​സ് പു​റ​പ്പെ​ടു​വി​ച്ച മാ​ര്‍ഗ​നി​ര്‍ദേ​ശ​ങ്ങ​ള്‍ പാ​ലി​ച്ച്​ ന​വം​ബ​ര്‍ 30വ​രെ വാ​ഹ​ന​ങ്ങ​ളി​ല്‍ സ്​​റ്റി​ക്ക​ര്‍ പ​തി​ച്ച് ഉ​പ​യോ​ഗി​ക്കാം.

വി​ന്‍ഡോ ഗ്ലാ​സ്, ന​മ്പ​ര്‍ പ്ലേ​റ്റ്, ലൈ​റ്റു​ക​ള്‍ എ​ന്നി​വി​ട​ങ്ങ​ളി​ലേ​ക്ക് സ്​​റ്റി​ക്ക​റു​ക​ള്‍ വ്യാ​പി​ക്ക​രു​ത്. പി​ന്‍വ​ശ​ത്തെ ഗ്ലാ​സി​ല്‍ പ​തി​ക്കു​ന്ന സ്​​റ്റി​ക്ക​ര്‍ ഡ്രൈ​വ​ര്‍ക്ക് പി​ന്‍വ​ശ​ത്തെ വി​ന്‍ഡോ​യി​ലെ ചി​ത്ര​ങ്ങ​ള്‍ കാ​ണാ​ന്‍ അ​നു​വ​ദി​ക്കു​ന്ന ത​ര​ത്തി​ലു​ള്ള​താ​യി​രി​ക്ക​ണം. ഗ​താ​ഗ​ത സു​ര​ക്ഷ ലം​ഘി​ക്കു​ന്ന ത​ര​ത്തി​ലു​ള്ള​വ നി​രോ​ധി​ച്ചി​ട്ടു​ണ്ട്.

ദേ​ശീ​യ ചി​ഹ്​​ന​ങ്ങ​ൾ സ്​​റ്റി​ക്ക​റാ​യി പ​തി​ക്കാ​ൻ പാ​ടി​ല്ല. വി​ധ്വം​സ​ക​മോ മൂ​ല്യ​ര​ഹി​ത​വു​മാ​യ വാ​ക്കു​ക​ൾ ഉ​പ​യോ​ഗി​ക്ക​രു​ത്. അ​തേ​സ​മ​യം, ഈ ​കാ​ല​യ​ള​വി​ല്‍ വാ​ഹ​ന​ത്തി​​ന്‍റെ നി​റം മാ​റ്റാ​ന്‍ അ​നു​മ​തി ഇ​ല്ലെ​ന്നും റോ​യ​ല്‍ ഒ​മാ​ന്‍ പൊ​ലീ​സ് അ​റി​യി​ച്ചു. നി​ര്‍ദേ​ശ​ങ്ങ​ള്‍ ലം​ഘി​ക്കു​ന്ന​വ​ര്‍ക്കെ​തി​രെ ന​ട​പ​ടി​യു​ണ്ടാ​കും.

ഫ​ല​സ്തീ​ൻ യു​ദ്ധ പ​ശ്ചാ​ത​ല​ത്തി​ൽ ക​ഴി​ഞ്ഞ​വ​ർ​ഷം വി​പു​ല​മാ​യ രീ​തി​യി​ൽ ദേ​ശീ​യ​ദി​നാ​ഘോ​ഷ പ​രി​പാ​ടി​ക​ൾ ന​ട​ന്നി​രു​ന്നി​ല്ല. അ​തു​കൊ​ണ്ടു​ത​ന്നെ കാ​റു​ക​ളു​ടെ അ​ല​ങ്കാ​ര​ങ്ങ​ളും ഉ​ണ്ടാ​യി​രു​ന്നി​ല്ല. ഇ​ത്ത​വ​ണ​ത്തെ ആ​ഘോ​ഷ പ​രി​പാ​ടി​ക​ളെ ക്കു​റി​ച്ചു​ള്ള വി​വ​ര​ങ്ങ​ൾ അ​റി​വാ​യി​ട്ടി​ല്ല.

വ​രും ദി​വ​സ​ങ്ങ​ളി​ലെ വ്യ​ക്ത​ത വ​രു​ക​യൊ​ള്ളു. ദേ​ശീ​യ​ദി​നം അ​ടു​ത്തെ​ങ്കി​ലും വാ​ഹ​ന​ങ്ങ​ൾ അ​ല​ങ്ക​രി​ക്കു​ന്ന സ്ഥാ​പ​ന​ങ്ങ​ളും അ​പ്ഹോ​ൾ​സ​റി ക​ട​ക​ളും ഇ​തു​വ​രെ ഉ​ണ​ർ​ന്നി​ട്ടി​ല്ല.

ക​ഴി​ഞ്ഞ കു​റേ വ​ർ​ഷ​ങ്ങ​ളാ​യി അ​ല​ങ്കാ​രം തീ​രെ കു​റ​വാ​യ​തി​നാ​ൽ ഏ​റെ സൂ​ക്ഷ്മ​ത യോ​ടെ​യാ​ണ് സ്റ്റി​ക്ക​റു​ക​ളും അ​ല​ങ്കാ​ര വ​സ്തു​ക്ക​ളും എ​ത്തി​ക്കു​ന്ന​ത്. ട്ര​ന്‍റ് നോ​ക്കി​യ ശേ​ഷം സ്റ്റി​ക്ക​റു​ക​ൾ ഇ​റ​ക്കാ​മെ​ന്ന നി​ല​പാ​ടാ​ണ് പ​ല​ർ​ക്കു​മു​ള്ള​ത്. സ്റ്റി​ക്ക​റു​ക​ൾ ദു​ബൈ​യി​ൽ​നി​ന്നാ​ണ് പ​ല​രും കൊ​ണ്ടു​വ​രു​ന്ന​ത്.

ഒ​മാ​ൻ ഭ​ര​ണാ​ധി​കാ​രി​യു​ടെ ബ​ഹു​വ​ർ​ണ ചി​ത്ര​ങ്ങ​ളും ദേ​ശീ​യ പ​താ​ക​യു​ടെ ബ​ഹു​വ​ർ​ണ്ണ​ങ്ങ​ളു​മൊ​ക്കെ അ​ട​ങ്ങു​ന്ന സ്റ്റി​ക്ക​റു​ക​ൾ വാ​ഹ​ന അ​ല​ങ്കാ​ര​ത്തി​ന് ഉ​പ​യോ​ഗി​ക്കാ​റു​ണ്ട്.

ദേ​ശീ​യ ദി​ന​ത്തി​ന്‍റെ എം​ബ്ലം ആ​ലേ​ഖ​നം ചെ​യ്ത സ്റ്റി​ക്ക​റു​ക​ളും വ്യാ​പ​ക​മാ​യി ഉ​പ​യോ​ഗി​ക്കാ​റു​ണ്ട്. അ​തോ​ടൊ​പ്പം ദേ​ശീ​യ ദി​ന​ത്തി​ന്‍റെ ഭാ​ഗ​മാ​യ കൊ​ടി​ക​ളും കീ​ചെ​യ്നു​ക​ളും തൊ​പ്പി​ക​ളും എ​ല്ലാം മാ​ർ​ക്ക​റ്റി​ലെ​ത്തി​ക്ക​ഴി​ഞ്ഞു. വ​രും​ദി​വ​സ​ത്തി​ൽ കൂ​ടു​ത​ൽ അ​ല​ങ്കാ​ര ഇ​ന​ങ്ങ​ൾ മാ​ർ​ക്ക​റ്റി​ൽ ഇ​റ​ങ്ങും. രാ​ജ്യ​ത്ത് ന​വം​ബ​ർ 18നാ​ണ് ദേ​ശീ​യ​ദി​നാ​ഘോ​ഷ​മാ​യി കൊ​ണ്ടാ​ടു​ന്ന​ത്.